Types: Topics

Categories: စီမံကိန်းနှင့်ဘဏ္ဍာရေး

agencies: မြန်မာ့အာမခံလုပ်ငန်း

ရေယာဉ်လုပ်ငန်းရှင်တာဝန်ရှိမှုအာမခံလုပ်ငန်း

သင်္ဘောနှင့် မည်သည့်စက်တပ်ရေယာဉ်ပေါ်တွင်မဆို တာဝန်ထမ်းဆောင်နေသည့် ရေယာဉ် လုပ်သားများနှင့် ရေယာဉ်လုပ်ငန်းရှင်များ အာမခံထားရှိနိုင်ပါသည်။ တစ်ဦးလျှင် တစ်ယူနစ် ကျပ် ၅ သိန်းမှ အများဆုံး လေးယူနစ် ကျပ်သိန်း ၂၀ အထိ ထားရှိနိုင်ပြီး အာမခံသက်တမ်း ၁ နှစ်အတွက် တစ်ယူနစ်လျှင် ပရီမီယံ ကျပ် ၃၅၀၀/- ဖြစ်ပါသည်။

သင်္ဘောနှင့် မည်သည့် စက်တပ်ရေယာဉ်ပေါ်တွင် မဆိုတာဝန်ထမ်းဆောင်သူများ ရေယာဉ် ပေါ်တွင် တာဝန်ထမ်းဆောင်စဉ် (ရေယာဉ်ပေါ်သို့အတက်အဆင်းပြုနေစဉ်အပါအဝင်) သေဆုံးခြင်း၊ ဒဏ်ရာရခြင်း၊ ထာဝစဉ်လုံးဝမသန်မစွမ်းခြင်းနှင့် တစ်စိတ်တစ်ဒေသမစွမ်းမသန်ဖြစ်ခြင်းတို့အတွက် အကျိုးခံစားခွင့်ရနိုင်ပါသည်။ သေဆုံး၍ အလောင်းမရရှိပါက အကျိုးခံစားခွင့်ကို ၁ နှစ် ဆိုင်းငံ့၍ ပေးပါမည်။ သေဆုံးခြင်းအတွက် အာမခံထားငွေ၏ ၁၀၀% အကျိုးခံစားခွင့်ရရှိနိုင်ပြီး၊ ဒဏ်ရာ ရရှိခြင်းအတွက် အာမခံထားငွေ၏ ၈၀% ထက် မပိုစေရပါ။ သေဆုံး/ထိခိုက်မှုဖြစ်လျှင် မြန်မာ့ အာမခံလုပ်ငန်းသို့ ချက်ချင်းအကြောင်းကြား၍ ၆ လအတွင်း အကျိုးခံစားခွင့်တောင်းခံရမည်။
အကျိုးခံစားခွင့် မရရှိနိုင်သောကိစ္စရပ်များမှာ ရေယာဉ်ပေါ်သို့ မတက်ရောက်မီနှင့် ရေယာဉ် ပေါ်မှဆင်းပြီးနောက် ကာလတွင်ဖြစ်ပေါ်သည့် မတော်တဆထိခိုက်မှု၊ မူးယစ်ဆေးဝါးသုံးစွဲခြင်း၊ ကြိုတင်ကြံရွယ်ချက်ဖြင့်ပြုလုပ်ခြင်း၊ မိမိကိုယ်မိမိသေကြောင်းကြံခြင်း၊ ရေယာဉ်ပေါ်တွင် ပြစ်မှု ကျူးလွန်သူဖြစ်ခြင်းတို့ကြောင့် အကျိုးခံစားခွင့် မရရှိနိုင်ပါ။

အာမခံသက်တမ်းအတွင်းအာမခံထားရှိသူ ပြောင်းလဲခြင်း၊ အာမခံတန်ဘိုးပြောင်းလဲခြင်းတို့ ပြုလုပ်နိုင်၍ ပရီမီယံ ပိုငွေ/လိုငွေ ရှိနိုင်ပါသည်။

 ဦးစီးဌာန: မြန်မာ့အာမခံလုပ်ငန်း