Types: Topics

Categories: စီမံကိန်းနှင့်ဘဏ္ဍာရေး

agencies: မြန်မာ့အာမခံလုပ်ငန်း

မီအားမခံလုပ်ငန်း

မီးအာမခံလုပ်ငန်းသည် နိုင်ငံပိုင်၊ သမဝါယမပိုင်၊ ဖက်စပ်လုပ်ငန်းများပိုင်နှင့် ပုဂ္ဂလိကပိုင် အဆောက်အအုံများ၊ စက်ကိရိယာများ၊ ကုန်ပစ္စည်းများ၊ ပရိဘောဂပစ္စည်းများနှင့် လုပ်ငန်းသုံး ပစ္စည်းများ မီးနှင့်အခြားဘေးအန္တရာယ်ကြောင့် ပျက်စီးဆုံးရှုံးပါက ယင်းဆုံးရှုံးမှုကို ပြန်လည် ထူထောင်ရာတွင် အထောက်အကူပြုရန်ဖြစ်ပါသည်။ သာမန်မီးအာမခံနှင့်အတူ ဘေးအန္တရာယ်များ ထားရှိနိုင်ပါသည်။
ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သောပစ္စည်းများဖြစ်သည့် အဆောက်အဦးများ၊ စက်ပစ္စည်းများ၊ ကုန်ပစ္စည်းများ ပရိဘောဂများနှင့် လုပ်ငန်းသုံးပစ္စည်းများကို အာမခံထားရှိရာတွင် ၁၀ ရက်မှ ၁ နှစ်အထိ ထားရှိနိုင်ပါသည်။

ပရီမီယံနှုန်းထားသတ်မှတ်ရာတွင် အဆောက်အအုံအတန်းအစား၊ ယင်းအဆောက်အအုံကို အသုံးပြုပုံ၊ အဆောက်အအုံသက်တမ်းနှင့် ပတ်ဝန်းကျင်ရှိအဆောက်အအုံများ၏ အခြေအနေပေါ် မူတည်၍ တွက်ချက်ထားသောနှုန်းဇယားအရ သတ်မှတ်ပါသည်။ ဘေးအန္တရာယ်များအတွက် အပို ပရီမီယံကြေးရယူ၍ အာမခံလက်ခံဆောင်ရွက်ပါသည်။

အာမခံသက်တမ်းအတွင်း အဆောက်အအုံအမျိုးအစားပြောင်းလဲခြင်း၊ အသုံးပြုပုံပြောင်းလဲ ခြင်း၊ အာမခံတန်ဘိုးပြောင်းလဲခြင်း၊ အာမခံထားသောပစ္စည်းများ အပြောင်းအရွှေ့ရှိခြင်း၊ အာမခံ အကာအကွယ်ပြောင်းလဲခြင်း၊ အာမခံသက်တမ်း အပြောင်းအလဲပြုလုပ်ခြင်းနှင့် ပိုင်ရှင်ပြောင်းလဲ ခြင်းများအတွက် ဆောင်ရွက်နိုင်၍ ပရီမီယံ လိုငွေ/ပိုငွေရှိနိုင်ပါသည်။

ဆုံးရှုံးမှုဖြစ်ပွားပါက မြန်မာ့အာမခံလုပ်ငန်းသို့ ချက်ချင်းအကြောင်းကြား၍ (၁၅) ရက် အတွင်း လျော်ကြေးတောင်းခံရန်နှင့် ပျက်စီးမှုမှတ်တမ်းဓာတ်ပုံများ ရိုက်ကူးထားရှိပြီး ဆုံးရှုံးမှုကို မြန်မာ့အာမခံလုပ်ငန်းမှ တာဝန်ရှိသူများနှင့် အာဏာပိုင်အဖွဲ့အစည်းများမှ ကိုယ်စားလှယ်များ ပါဝင်သောအဖွဲ့မှ မျက်မြင်စစ်ဆေးမည်ဖြစ်ပါသည်။

သာမန်မီးအာမခံတွင် အောက်ဖော်ပြပါဆုံးရှုံးမှုများအပြင် ဆက်စပ်လျက်ရှိသော ဆုံးရှုံးမှုများ လည်း အကျုံးဝင်ပါသည်။

သာမန်မီးအာမခံတွင် တားဆီးဟန့်တားရန်မဖြစ်နိုင်သော ဆုံးရှုံးမှုအတိုင်းအတာကို ကြိုတင် ခန့်မှန်းရန် မလွယ်ကူသော အောက်ဖော်ပြပါဘေးအန္တရာယ်များ အကျုံးမဝင်ပါ။

သာမန်မီးအာမခံနှင့် အကျုံးမဝင်သည့်ဘေးအန္တရာယ်အချို့ကို အပိုပရီမီယံကြေးယူ၍ အာမခံ လက်ခံနိုင်သည်။ သို့ရာတွင် ယင်းအန္တရာယ်များအတွက် သီးခြားအာမခံထား၍မရပါ။ သာမန်မီး အာမခံနှင့်ပူးတွဲ၍သာ အာမခံထားရှိနိုင်ပါသည်။ ဘေးအန္တရာယ်များအတွက် အာမခံတန်ဘိုးကို သာမန်မီးအာမခံတန်ဘိုးနှင့်အညီ ထားရှိရပါသည်။ သာမန်မီးအာမခံနှင့်အတူ လက်ခံဆောင်ရွက် ပေးသည့် ဘေးအန္တရာယ်များမှာ-

 ဦးစီးဌာန: မြန်မာ့အာမခံလုပ်ငန်း