သတ္တုတွင်းဦးစီးဌာန
Category: သယံဇာတနှင့် သဘာ၀ပတ်၀န်းကျင်ထိန်းသိမ်းရေး၀န်ကြီးဌာန
ရည်မှန်းချက်
| (၁) | သယံဇာတ နှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၏ ဓာတ်သတ္တုသယံဇာတရေးရာ မူဝါဒကို အကောင်အထည်ဖော်ရန်။ |
ညွှန်ကြားရေးမှူးရုံး (မန္တလေးမြို့) ၏ လုပ်ငန်းတာဝန်များ
| (၁) | နေပြည်တော်၊ သတ္တုတွင်းဦးစီးဌာန (ရုံးချုပ်) ၏ မန္တလေးရုံးခွဲ၊ ညွှန်ကြားရေးမှူးရုံး (က) အဆင့်အဖြစ် သတ်မှတ်၍ ကိုယ်စားပြုလုပ်ငန်းများ ဆောင်ရွက်ခြင်း။ |
| (၂) | ထုတ်ပေးထားသည့် နည်းဥပဒေများနှင့်အညီ တိုင်းဒေသကြီးက ဆောင်ရွက်ခွင့်ရှိသော ဓာတ်သတ္တုများအား (အကြီးစားထုတ်လုပ်ခြင်းမှအပ) ခွင့်ပြုမိန့်ရရှိရေး လျှောက်ထားလာမှု နှင့်စပ်လျဉ်း၍ ပြည်ထောင်စုအစိုးရအဖွဲ့၏ သဘောတူညီချက်ဖြင့် ဖွဲ့စည်းတာဝန်ပေးအပ် ထားသော တိုင်းဒေသကြီး လုပ်ကွက်စိစစ်ချထားရေးအဖွဲ့တွင် အဖွဲ့ဝင်အဖြစ် ဆောင်ရွက် ခြင်း။ |
| (၃) | ဓာတ်သတ္တုများအား နိုင်ငံခြားသို့တင်ပို့ရောင်းချရာတွင် သတ္တုဈေးနှုန်းသတ်မှတ်နိုင်ရေး အတွက် ကိုယ်စားပြု နမူနာကောက်ယူခြင်းဆိုင်ရာကိစ္စရပ်များအား ရုံးချုပ်နှင့်ညှိနှိုင်း ကွင်းဆင်းဆောင်ရွက်ခြင်း။ |
| (၄) | တိုင်းဒေသကြီးအတွင်း ရေနံ/ပေါက်ကွဲမှုအက်ဥပဒေနှင့်အညီ ယမ်းတိုက်နှင့် မြေပေါ်/ မြေအောက် ဆီသိုလှောင်ကန် တည်ဆောက်ခြင်းများ ထောက်ခံချက်ပေးနိုင်ရန်အတွက် ရုံးချုပ်၏ ညွှန်ကြားချက် ရရှိပါက ကွင်းဆင်းဆောင်ရွက်ခြင်း။ |
| (၅) | သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန (ဝန်ကြီးရုံး)၊ မန္တလေးတိုင်း ဒေသကြီးအစိုးရအဖွဲ့နှင့် သတ္တုတွင်းဦးစီးဌာန (နေပြည်တော်) တို့မှ အခါအားလျော်စွာ တာဝန်ပေးအပ်လာမှုများအား ဆောင်ရွက်ခြင်း။ |
| (၆) | နိုင်ငံခြားသို့ မာဘယ်ဖြင့်ထုလုပ်ထားသောပစ္စည်းများ တင်ပို့နိုင်ရန် ထောက်ခံချက်ထုတ်ပေး နိုင်ရေး ကွင်းဆင်းဆောင်ရွက်ခြင်း။ |
| (၇) | လမ်းခင်းကျောက်များ ထုတ်လုပ်ခွင့်လိုင်စင်ရရှိရေး မြန်မာ့သတ္တုတွင်းဥပဒေပါ အလှဆင် ကျောက်နှင့် စက်မှုတွင်ထွက်ကုန်ကြမ်းပစ္စည်းများနှင့် ငြိစွန်းမှု ရှိ/မရှိ၊ နည်းဥပဒေနှင့်အညီ ကွင်းဆင်းစစ်ဆေးပြီး ရုံးချုပ်သို့ တင်ပြ၍ သက်ဆိုင်ရာ အထွေထွေအုပ်ချုပ်ရေးဦးစီးဌာနသို့ ထောက်ခံချက်ထုတ်ပေးခြင်း။ |
ပြည်တွင်းပြည်ပ ရင်းနှီးမြှုပ်နှံရာတွင် သိသင့်သော သတင်းအချက်အလက်များ
| (၁) | ဓာတ်သတ္တုသယံဇာတဆိုင်ရာမူဝါဒအရ နိုင်ငံခြားရင်းနှီးမြှုပ်နှံမှုကုမ္ပဏီအနေဖြင့်လည်း ကောင်း (သို့မဟုတ်) ပြည်တွင်းရင်းနှီးမြှုပ်နှံမှုကုမ္ပဏီအနေဖြင့်လည်းကောင်း ရင်းနှီးမြှုပ်နှံ ဆောင်ရွက်နိုင်သည်။ |
| (၂) | ရင်းနှီးမြှုပ်နှံသူများအနေဖြင့် မည်သည့်ဓာတ်သတ္တုများအား ရှာဖွေစမ်းသပ်ခြင်း၊ သတ္တုသိုက်၏ ပမာဏအားသိရှိရန် ဖြစ်မြောက်နိုင်စွမ်းလေ့လာခြင်း၊ ထုတ်လုပ်ခြင်း စသည့် မိမိတို့၏ လုပ်ဆောင်လိုသောလုပ်ငန်းနှင့် စပ်ဆက်သည့်အချက်များဖြင့် ရှင်းလင်းတိကျစွာ ဖော်ပြရ မည်။ |
| (၃) | နိုင်ငံခြားရင်းနှီးမြှုပ်နှံမှုအား ဓာတ်သတ္တုအကြီးစားထုတ်လုပ်မှုလုပ်ငန်း၌ ရင်းနှီးမြှုပ်နှံ လုပ်ကိုင်ခွင့်ပြုပြီး ကျန်ဓာတ်သတ္တုထုတ်လုပ်ခြင်းလုပ်ငန်း၌ လုပ်ကိုင်ခွင့်မပြု (မပြု) ပါ။ |
| (၄) | ရင်းနှီးမြှုပ်နှံသူများအနေဖြင့် ရှာဖွေ၊ စမ်းသပ်တိုင်းတာသည့်ကာလနှင့် တူးဖော်ထုတ်လုပ်သည့် ကာလ အတွင်း ကုန်ကျသည့် ကုန်ကျစရိတ်များအား ရာနှုန်းပြည့် အပြည့်အဝတာဝန်ယူရမည်။ |
| (၅) | ဝန်ကြီးဌာနအနေဖြင့် သတ္တုရိုင်းများအတိုင်း နိုင်ငံခြားသို့ တင်ပို့ရောင်းချခြင်းအား ခွင့်မပြု (မပြု) ပါ။ |
| (၆) | ရင်းနှီးမြှုပ်နှံသူများအနေဖြင့် တူးဖော်ထုတ်လုပ်၍ရရှိလာသော သတ္တုရိုင်းများအား သတ္တု သန့်စင် (သို့မဟုတ်) သတ္တုစင်များ (Finished Product) အဆင့်ထိ ပြုလုပ်ပြီးမှသာ နိုင်ငံခြား သို့ တင်ပို့ရောင်းချရမည်။ |
| (၇) | ဝန်ကြီးဌာနအနေဖြင့် နောက်ဆုံးပေါ်နည်းပညာအသုံးပြုသော သတ္တုသန့်စင်ခြင်း လုပ်ငန်း/ စက်ရုံများနှင့် သံ/သတ္တုအရည်ကြိုလုပ်ငန်း/စက်ရုံများ တည်ထောင်ခြင်းများကို မြန်မာနိုင်ငံ ရင်းနှီးမြှုပ်နှံမှုကော်မတီ ခွင့်ပြုချက်ရယူ၍ ဆောင်ရွက်ခွင့်ရှိသည်။ |
| ရုံးလိပ်စာ |
၃၄ လမ်းနှင့် ၃၅ လမ်းကြား၊ ၆၅ လမ်း၊ ချမ်းအေးသာဇံမြို့နယ်၊ မန္တလေးမြို့။ |
|
| ဆက်သွယ်ရန်ဖုန်းနံပါတ် |
၀၂ ၆၂၁၁၀ |
|
| ဖက်(စ်)ဖုန်း | ||
| အီးမေးလ်လိပ်စာ | This email address is being protected from spambots. You need JavaScript enabled to view it. | |
| website လိပ်စာ | www.mining.gov.mm |
| Eservices | Topics | |
| |
||
| News | ||