- Types: Topics
- Categories: သာသနာရေးနှင့် ယဉ်ကျေးမှု
- agencies: ရှေးဟောင်းသုတေသနနှင့်အမျိုးသားပြတိုက်(ပုဂံဌာနခွဲ)
ရှေးဟောင်းအထိမ်းအမှတ်အဆောက်အအုံ တည်ရှိရာဇုန် သို့မဟုတ် ရှေးဟောင်းနေရာတည်ရှိရာ ဇုန်အတွင်းတွင် ရှေးဟောင်းအထိမ်းအမှတ်အဆောက်အအုံမှအပ အခြားအဆောက်အအုံကို ပြင်ဆင်ခြင်း သို့မဟုတ် ယင်း၏ဝင်းခြံနယ်နိမိတ် တိုးချဲ့ခြင်းအတွက် လျှောက်ထားခြင်း
အဆောက်အအုံ တိုးချဲ့တည်ဆောက်ခြင်း၊ ပြင်ဆင်ခြင်းနှင့် ဝင်းခြံနယ်နိမိတ်တိုးချဲ့ခြင်းလျှောက်ထားသူက ပူးတွဲတင်ပြရမည့် စာရွက်စာတမ်းများ
ပူးတွဲပါရှိရမည့်အချက်များ
| (၁) | မြို့နယ်စည်ပင်သာယာရေးကော်မတီမှ စိစစ်ထားရှိပြီးဖြစ်သော လတ်မှတ်ပါရှိသည့် တည်ဆောက်တိုးချဲ့ပြင်ဆင်မည့် အဆောက်အဦပုံစံ(သို့မဟုတ်) တိုးချဲ့မည့် ဝင်းခြံနယ်နိမိတ်၊ Drawing (Layout Plan , Plan Section, Elevation)များပါရှိရမည်။ (၎င်းပုံဆွဲများ အပေါ်တွင် စည်ပင်သာယာရုံးတံဆိပ်နှင့် စိစစ်ထားရှိသော အင်ဂျင်နီယာ၏ အမည်နှင့် လက်မှတ်ပါရှိရမည်။) |
| (၂) |
အဆောက်အအုံ လုပ်မည့် တည်နေရာပြမြေပုံ။ |
| (၃) | မြေဂရန် (သို့မဟုတ်) မြေပိုင်ဆိုင်မှု အထောက်အထားပါရှိရမည်။ |
| (၄) | သက်ဆိုင်ရာ ရပ်ကွက်/ကျေးရွာ အုပ်ချုပ်ရေးမှူး၏ မြို့ပြကျေးရွာဧရိယာအတွင်း လူနေထိုင် ရန် ခွင့်ပြုထားသည့်မြေနေရာဖြစ်ကြောင်းနှင့် လူနေအိမ်ဆောက်လုပ် ပြင်ဆင်မှုတို့နှင့်် ပတ်သက်သည့် ထောက်ခံချက်။ |
| (၅) | လျှောက်ထားသူ၏နိုင်ငံသားစိစစ်ရေးကတ်ပြားမိတ္တူ။ |
| (၆) |
မဆောင်ရွက်မီ လက်ရှိအနေအထား ( အိမ် / ခြံဝင်း ) ၏ ရှေ့၊ နောက်၊ ဝဲ၊ ယာ မှတ်တမ်းဓါတ်ပုံ (၄)ပုံ။ |
| (၇) | လျှောက်ထားသူ၏ အမြဲတမ်းနေရပ်လိပ်စာနှင့် ဆက်သွယ်ရမည့် ဖုန်းနံပါတ်။ |
သိရှိလိုက်နာဆောင်ရွက်ရန်အချက်များ
| (၁) | အဆောက်အဦဆောက်လုပ်ရန် တင်ပြလာသော Drawing ပုံစံများသည် တည်းခိုခန်းအသွင် မဟုတ်ဘဲ လူနေထိုင်ရန်ဖွဲ့စည်းထားသော အခန်းဖွဲ့စည်းမှုပုံစံသာ ဖြစ်ရမည်။ (တည်းခိုခန်း အဖြစ် ခွင့်မပြုပါ) |
| (၂) |
ရေးဆွဲတင်ပြသော အဆောက်အအုံပုံစံ(ဒီဇိုင်း)တွင် ဘာသာရေးအရ အဂါရဝဖြစ်စေမည့် အဆင် တန်ဆာများ မပြုလုပ်ရ။ ( ဥပမာ - ဘုရားတံကဲပုံစံ စသည့် ရှေးဟောင်း သာသနိကအဆောက်အအုံတွင် အသုံးပြုသောအဆင်တန်ဆာများ) |
| (၃) |
မြေအောက်ခန်းများနှင့် မြေအောက်(၁ပေ)အနက်ထက် ကျော်လွန်သော ကြီးမားသည့် မြေအောက်ရေကန်များမပြုလုပ်ရ၊ ထည့်သွင်းတည်ဆောက်ခြင်းမပြုရ။ |
| (၄) |
ယဉ်ကျေးမှုအမွေအနှစ်ဒေသများ ကာကွယ်ထိန်းသိမ်းရေးဥပဒေ၊ နည်းဥပဒေအရ လျှောက်ထားသူသည် လူနေအိမ်တည်ဆောက်ခြင်း၊ တိုးချဲ့ဆောက်လုပ်ခြင်း၊ ပြင်ဆင်ခြင်း၊ ဝင်းခြံနယ်နိမိတ် တိုးချဲ့ခြင်းဆောင်ရွက်ရန်အတွက် ပုံစံ(၁) (သို့မဟုတ်) ပုံစံ(၃)ကို လျှောက်ထားသူမှ ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲ(ရုံး) တွင် ဖြည့်စွက်ရမည်။ |
| (၅) |
လျှောက်ထားသူမှ နေအိမ်အဖြစ်ဆောက်လုပ်ခြင်းသာဖြစ်ကြောင်း (တည်းခိုခန်းအဖြစ် ပြောင်းလဲဆောင်ရွက်မည်မဟုတ်ပါကြောင်း) ဝန်ခံကတိပြုချက်အား ရှေးဟောင်းသုတေသန နှင့် အမျိုးသားပြတိုက်ဦးစီးဌာန၊ ပုဂံဌာနခွဲ(ရုံး)၏ တာဝန်ရှိသူ၏ ရှေ့မှောက်တွင် အသိသက်သေနှင့်တကွ လက်မှတ်ရေးထိုးရမည်။ |
| (၆) |
တင်ပြလျှောက်ထားလာသော Drawing ပေါ်တွင် ကာယကံရှင်ကိုယ်တိုင်မှလည်း လက်မှတ် ရေးထိုးရမည်။ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲတွင် ကျန်ရှိမည့် လက်ခံပေါ်တွင် လက်မှတ်ရေးထိုးပေးရပါမည်) |
| (၇) |
ယဉ်ကျေးမှုအမွေအနှစ်ဒေသများ ကာကွယ်ထိန်းသိမ်းရေးဥပဒေ၊ နည်းဥပဒေအရ အဆောက်အဦ၏အမြင့်သည်(၃၀)ပေထက်မကျော်ရ။ (အမြင့်ပေ ၃၀ အတွင်း တည်ဆောက် ထားရှိသော (၂)ထပ်အဆောက်အဦ၏ အပေါ်ထပ်(Slab)မိုးတွင်တိုးမြှင့်၍ တည်ဆောက် အသုံးပြုခြင်း ခွင့်မပြုပါ။) |
| (၂) |
ဤဒေသသည် ယဉ်ကျေးမှုအမွေအနှစ်ဒေသဖြစ်၍ လက်ရှိမြေပြင်အောက်တွင် ကြွင်းကျန် နေသောရှေးဟောင်းအဆောက်အဦများရှိနိုင်သည့်အတွက် အဆောက်အဦစတင်ဆောက်လုပ်ရန် မြေကျင်းတူးသောအချိန်တွင် ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲရုံးသို့ သတင်းပေးပို့ပြီးမှသာ တူးဖော်မှုလုပ်ငန်းဆောင်ရွက်ပါရန်။ |
|
|
လျှောက်လွှာဖောင် |
ဦးစီးဌာန: ရှေးဟောင်းသုတေသနနှင့်အမျိုးသားပြတိုက်ဦးစီးဌာန(ပုဂံဌာနခွဲ)
ရှေးဟောင်းသုတေသနနှင့်အမျိုးသားပြတိုက်ဦးစီးဌာန(ပုဂံဌာနခွဲ)ရှိ အခြားသော Topics များ
