မြန်မာနိုင်ငံသား/နိုင်ငံခြား ရင်းနှီးမြှုပ်နှံမှုပြုလုပ်ရာတွင် ပါဝင်ရမည့်အချက်များ

Types: Topics

Categories: ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး

agencies: ရင်းနှီးမြှပ်နှံမှုနှင့်ကုမ္ပဏီများညွှန်ကြားမှု

မြန်မာနိုင်ငံသား/နိုင်ငံခြား ရင်းနှီးမြှုပ်နှံမှုပြုလုပ်ရာတွင် ပါဝင်ရမည့်အချက်များ

(၁)	ရင်းနှီးမြှုပ်နှံမှုလုပ်ငန်း ဆောင်ရွက်ရန် လာရောက် မေးမြန်း စုံစမ်းကြသည့် ပြည်တွင်း/ ပြည်ပ စီးပွားရေး လုပ်ငန်းရှင်များအား မြန်မာနိုင်ငံ၏ ရင်းနှီးမြှုပ်နှံမှုဆိုင်ရာ သတင်း အချက်အလက် များကို ရှင်းလင်းပြောကြားခြင် ၊ ဆွေးနွေးခြင်း၊ အကြံဉာဏ် ပေးခြင်း။
(၂)	နိုင်ငံခြားရင်းနှီးမြှုပ်နှံမှုဥပဒေ၊ မြန်မာနိုင်ငံသားများ ရင်းနှီးမြှုပ်နှံမှုဥပဒေတို့အရ လုပ်ငန်း အဆို ပြုချက်များ တင်ပြရာတွင် ပါဝင်ရမည့် စာရွက်စာတမ်း အထောက် အထားများ နှင့် စပ်လျဉ်း၍ ရှင်းလင်းပြောကြားခြင်း၊

နိုင်ငံခြား/နိုင်ငံသား ရင်းနှီးမြှုပ်နှံမှု ပြုလုပ်ရာတွင် အဓိက ပါ၀င်ရမည့် အချက်များ

၁။ အဆိုပြုလွှာတင်ပြခြင်း

(၁)	အစိုးရဌာန /အဖွဲ့အစည်းပိုင် မြေကို ငှားရမ်းဆောင်ရွက်ခြင်း ဖြစ်ပါက မြေပိုင်ရှင်ဌာန/အဖွဲ့အစည်းမှ တစ်ဆင့် တင်ပြရန်။
(၂)	ပုဂ္ဂလိကပိုင်မြေကို ငှားရမ်းဆောင်ရွက်ခြင်း ဖြစ်ပါက ရင်းနှီး မြှုပ်နှံသူက တိုက်ရိုက် တင်ပြရန်။
(၃)	နိုင်ငံတော်ပိုင် စီးပွားရေးလုပ်ငန်းများ ဥပဒေ (SEELaw) နှင့် အကျုံးဝင်သည့် လုပ်ငန်းများအတွက် သက်ဆိုင်ရာဝန်ကြီးဌာနမှ အစိုးရအဖွဲ့သို့ တင်ပြခွင့်ပြုချက် ရယူပြီး တင်ပြရန်

၂။ လုပ်ငန်းဆောင်ရွက်မည့်မြေနှင့်စပ်လျဉ်းသည့်အချက်များ

(၁)	မြေငှားစာချုပ်(မူကြမ်း)တင်ပြရန်နှင့် နိုင်ငံတော် နှင့် ပတ်သက် လျှင် ပြည်ထောင်စု ရှေ့နေချုပ်ရုံး ၏သဘောထား မှတ်ချက် တင်ပြရန်။
(၂)	မြေပိုင်ဆိုင်မှု/ မြေဂရန် အထောက်အထား(မိတ္တူ) နှင့် တည်နေ ရာပြ မြေပုံပူးတွဲ တင်ပြရန်။

၃။ လုပ်ငန်းဆောင်ရွက်မည့်ငွေနှင့်စပ်လျဉ်းသည့်အချက်များ

(၁)	အဆိုပြုလုပ်ငန်းတွင် ပါဝင်သူများ၏ လုပ်ငန်းပိုင်းနှင့် ငွေရေး ကြေးရေးဆိုင်ရာ အထောက် အထားများ။ (Bank Statement သို့မဟုတ် ကုမ္ပဏီ၏စာရင်းစစ်ပြီးသည့် နှစ်ချုပ်စာရင်း)။
(၂)	ရင်းနှီးမြှုပ်နှံမှုတွင် ပြည်ပချေးငွေ ပါဝင်ပါက ချေးငွေ စာချုပ် (မူကြမ်း)/ ချေးငွေ ပြန်လည် ပေးဆပ်မည့်အစီအစဉ် ။
(၃)	နိုင်ငံခြားငွေပါ၀င်ပါက နိုင်ငံခြားငွေနှင့် ပတ်သက်သည့် Bank Statement (မြန်မာနိုင်ငံသားရင်းနှီးမြှုပ်နှံမှုအတွက်)
(၄)	ပြည်ပမှကုန်ကြမ်းတင်သွင်းရန် လိုအပ်ပါက သုံးစွဲမည့် နိုင်ငံခြား ငွေရယူမည့်အစီအစဉ်။(မြန်မာနိုင်ငံသား ရင်းနှီးမြှုပ်နှံမှုအတွက်)

၄။ ရင်းနှီးမြှုပ်နှံမှုပုံစံနှင့်စပ်လျဉ်းသည့်အချက်များ

(၁)

ဖက်စပ် ဆောင်ရွက်ခြင်းများ အတွက် ဖက်စပ်စာချုပ် (မူကြမ်း) တင်ပြရန်နှင့် နိုင်ငံတော်နှင့် ပတ်သက်လျှင် ပြည်ထောင်စုရှေ့နေ ချုပ်ရုံး၏သဘောထား မှတ်ချက်တင်ပြရန်။

(၂)

ပဋိညာဉ်စာချုပ်ဖြင့် ဆောင်ရွက်ခြင်းဖြစ်ပါက ပဋိညာဉ်စာချုပ် (မူကြမ်း) နှင့် ပြည်ထောင်စု ရှေ့နေချုပ်ရုံး၏ သဘောထား မှတ်ချက် တင်ပြရန်။

၅။ စီးပွားရေးဆိုင်ရာတင်ပြချက်များ

(၁)

နှစ်စဉ်ထုတ်လုပ်မှုရည်မှန်းချက်၊ ပြည်ပတင်ပို့မှု နှင့် ပြည်တွင်း ရောင်းချမှုရာခိုင်နှုန်း။

(၂)

နှစ်စဉ်အသုံးစရိတ်၊ နှစ်စဉ်ဝင်ငွေရရှိမှု၊ နှစ်စဉ်ရရှိမည့်အကျိုး အမြတ်ခန့်မှန်းခြေ၊ အရင်းကြေကာလ၊ အရင်းအနှီးအပေါ် အကျိုး အမြတ်ပြန်ပေါ်နှုန်းIRR)

၆။ ပြည်တွင်း/ ပြည်ပမှ ဝယ်ယူမည့် ပစ္စည်းစာရင်းများ

(၁)	ပြည်တွင်း/ပြည်ပမှ ဝယ်ယူမည့် စက်ပစ္စည်းစာရင်း နှင့် ဆောက်လုပ်ရေး လုပ်ငန်းသုံးပစ္စည်း စာရင်းများကို တန်ဖိုး နှင့် တကွအသေးစိတ်ဖော်ပြရန်
(၂)	နှစ်စဉ် လုပ်ငန်းသုံးပစ္စည်း / နှစ်အလိုက် ကုန်ကြမ်း လိုအပ်ချက် ကိုတန်ဖိုးနှင့်တကွ အသေးစိတ်ဖော်ပြရန်။

၇။ အထွေထွေ

(၁)	ပြည်ပတွင် ဖွဲ့စည်းထားသည့် နိုင်ငံခြားကုမ္ပဏီများ ၏ ကုမ္ပဏီ မှတ်ပုံတင် အထောက်အထား(မိတ္တူ) နှင့် နိုင်ငံကူးလက်မှတ် (မိတ္တူ)၊ မြန်မာကုမ္ပဏီ နှင့် ဖက်စပ်ဆောင်ရွက်ခြင်း ဖြစ်ပါက မြန်မာကုမ္ပဏီ ၏မှတ်ပုံတင် အထောက်အထား (မိတ္တူ)နှင့် နိုင်ငံသား စိစစ်ရေးကဒ်(မိတ္တူ) ။
(၂)	မြန်မာနိုင်ငံတွင်ဖွဲ့စည်းမည့် ကုမ္ပဏီ၏ သင်းဖွဲ့မှတ်တမ်း / သင်းဖွဲ့စည်းမျဉ်း(မူကြမ်း)။
(၃)	ကုမ္ပဏီ၏မှတ်ပုံတင်အထောက်အထား(မိတ္တူ)၊ပုံစံ၆/၂၆၊သင်းဖွဲ့စည်းမျဉ်း၊သင်းဖွဲ့မှတ်တမ်း၊ရင်းနှီးမြှုပ်နှံသူ၏နိုင်ငံသားစိစစ် ရေးကဒ် (မိတ္တူ) ။ (မြန်မာနိုင်ငံသား ရင်းနှီးမြှုပ်နှံမှုအတွက်)
(၄)	လျှပ်စစ်ရယူသုံးစွဲမည့်အစီအစဉ်၊
(၅)	အဆောက်အဦပုံစံ၊အကျယ်အဝန်း၊ အရေအတွက် ၊Conceptual Design အသေးစိတ် ဖော်ပြရန်။ ဆောက်လုပ်ပြီး ဖြစ်ပါက အဆောက်အဦ ဓါတ်ပုံမိတ္တူ
(၆)	အဆိုပြုလုပ်ငန်းတွင် လိုအပ်မည့် ပြည်တွင်း/ပြည်ပ ဝန်ထမ်း အရေအတွက်၊ ရာထူး၊ လစာနှုန်းထားများ။
(၇)	လုပ်သားများ၏ လူမှုဖူလုံရေး သက်သာချောင်ချိမှု ဆောင်ရွက် မည့်အစီအမံများ၊ လုပ်ငန်းခွင် သာယာဝပြောရေး အတွက် ဆောင်ရွက်မှု။ လူမှုဘ၀ သာယာ၀ပြောရေး တာ၀န်ယူမှု (Corporate Social Responsibility - CSR) ဆောင်ရွက် မည့်အစီအစဉ်။ ကနဦးပတ်ဝန်းကျင် ထိခိုက်မှု ဆန်း စစ်ချက် (IEE)၊ ပတ်ဝန်းကျင်စီမံခန့်ခွဲမှုအစီအစဉ် (EMP) ရေးဆွဲတင်ပြ ရန် နှင့် သဘာဝပတ်ဝန်းကျင် ထိခိုက်မှု ဆန်းစစ်ခြင်း (EIA) လိုအပ်သော လုပ်ငန်းများအတွက် တတိယ အဖွဲ့အစည်း နှင့် ရေးဆွဲဆောင်ရွက်မည်ဖြစ်ကြောင်းကတိဝန်ခံချက်
(၈)	မီးဘေးကြိုတင်ကာကွယ်မှုအစီအစဉ်၊WasteWaterTreatment လိုအပ်သော လုပ်ငန်းများ အတွက် အစီအစဉ် ။ ထူးခြားသည့် လုပ်ငန်းများအတွက် လုပ်ငန်းသဘာ၀ရှင်းလင်းချက်။
(၉)	CMP လုပ်ငန်းဖြစ်ပါက CMP Contract ၊
(၁၀)	BOT လမ်းလုပ်ငန်းဖြစ်ပါက လမ်းဖောက်လုပ်မည့် တည်နေရာ ပြပုံ လမ်းအသုံးပြုခကောက်ခံမည့် ဂိတ်တည်နေရာ နှင့် လမ်း အရှည်မိုင်၊ ဆောက်လုပ်ရေး ဝန်ကြီးဌာန၏ ကြိုတင်ခွင့်ပြုမိန့် နှင့် တံတားစာရင်း(မြန်မာနိုင်ငံသားရင်းနှီးမြှုပ်နှံမှုအတွက်)