အသုံးပြုခွင့်လက်မှတ်ပျက်ပြယ်သည့် ဘွိုင်လာကို ဆက်လက်အသုံးပြုလိုလျှင် လျှောက်ထား ရမည့် အချက်များ

Types: Topics

Categories: စက်မှု့

agencies: ဘွိုင်လာစစ်ဆေးရေးဌာန

သက်ဆိုင်ရာ စစ်ဆေးရေးမှူးသည် ပိုင်ရှင်၏ ဘွိုင်လာ ဆက်လက်အသုံးပြု လိုကြောင်း လျှောက်ထားချက်ကို လက်ခံရရှိလျှင် -

(၁)	လျှောက်လွှာလက်ခံရရှိသည့် နေ့ရက်မှစ၍ ၁၅ ရက်အတွင်း သတ်မှတ် ထားသော နည်းလမ်းနှင့်အညီ ဘွိုင်လာကို စစ်ဆေးပါသည်။
(၂)	စစ်ဆေးမည့် နေ့ရက်ကို အနည်းဆုံး ၅ ရက်ကြိုတင်၍ ပိုင်ရှင်ထံ ပုံစံ(၂)ဖြင့် အကြောင်းကြားပါသည်။
(၃)	သတ်မှတ်ထားသော စစ်ဆေးခကို ပေးသွင်းစေပါသည်။
(၄)	မှတ်ပုံမတင်ရသေးသော ဘွိုင်လာကို အသုံးပြုခွင့်လက်မှတ် ထုတ်ပေးသင့် သည်ဟု ယူဆပါက သင့်လျော်သော ခွင့်ပြုဖိအားဖြင့် ယာယီအသုံးပြုခွင့် လက်မှတ်ကို ပုံစံ(၃) ဖြင့် ထုတ်ပေးပါသည်။ ယင်းဘွိုင်လာနှင့်ပတ်သက် သည့်စစ်ဆေး တွေ့ရှိချက်များ၊ တွက်ချက်မှုများပါဝင်သည့် စစ်ဆေးမှု မှတ်တမ်းစာအုပ်များ၊ ခွင့်ပြုသင့်သည့်ဖိအား၊ မှတ်ပုံတင်စာအုပ်တို့ကို မိမိ၏ သဘောထားမှတ်ချက်နှင့်အတူ စစ်ဆေးရေးမှူးချုပ်ထံ တင်ပြပါသည်။
(၅)	ဘွိုင်လာကို မှတ်ပုံတင်ခွင့်ပြုရန် မသင့်ဟု ယူဆလျှင် ပိုင်ရှင်ထံစာဖြင့် အမြန်ဆုံး အကြောင်းကြားရသည့်အပြင် စစ်ဆေးရေးမှူးချုပ်ထံ အစီရင်ခံ ရပါသည်။
(၆)	စစ်ဆေးရေးမှူးချုပ်က ဘွိုင်လာကို မှတ်ပုံတင်ခွင့်ပြုပါက သတ်မှတ်ထား သော မှတ်ပုံတင်ကြေး ပေးသွင်းစေပြီး ဘွိုင်လာတွင် မှတ်ပုံတင်အမှတ်ကို ထွင်းရန် ပုံစံ(၆) ဖြင့် အကြောင်းကြားပါသည်။
(၇)	ဘွိုင်လာကိုဆက်လက်အသုံးပြုရန် ခွင့်ပြုသင့်သည်ဟုယူဆပါက သတ်မှတ် သောခွင့်ပြုဖိအားဖြင့် ယာယီအသုံးပြုခွင့်လက်မှတ်ကို ပုံစံ(၃)ဖြင့် ထုတ်ပေး ပါသည်။
(၈)	အသုံးပြုခွင့်လက်မှတ်အသစ် ထုတ်ပေးသင့်သည်ဟုယူဆပါက ခွင့်ပြုသင့် သော သက်တမ်းနှင့် ကိုယ်တိုင်လက်မှတ်ရေးထိုးထားသော အသုံးပြုခွင့် လက်မှတ်ပုံစံ(၄) တို့ကို ပူးတွဲ၍ စစ်ဆေးရေးမှူးချုပ်ထံ တင်ပြရပါသည်။
(၉)	အသုံးပြုခွင့်လက်မှတ် ထုတ်ပေးရန် သင့်မသင့်နှင့်စပ်လျဉ်း၍ ယာယီ အသုံးပြုခွင့်လက်မှတ် သက်တမ်းမကုန်မီ စစ်ဆေးရေးမှူးချုပ်ထံ တင်ပြရ ပါသည်။

Form Download:

အသုံးပြုခွင့်လက်မှတ်ပျက်ပြယ်သည့် ဘွိုင်လာကို ဆက်လက်အသုံးပြုခြင်း

ဦးစီးဌာန: စက်မှုကြီးကြပ်ရေးနှင့် စစ်ဆေးရေးဦးစီးဌာန၊ ဘွိုင်လာ စစ်ဆေးရေးဌာန

ဘွိုင်လာ စစ်ဆေးရေးဌာနရှိ အခြားသော Topics များ

အသုံးပြုခွင့်လက်မှတ်ပျက်ပြယ်သည့် ဘွိုင်လာကို ဆက်လက်အသုံးပြုလိုလျှင် လျှောက်ထား ရမည့် အချက်များ

ဘွိုင်လာမှတ်ပုံတင်ခြင်းနှင့် အသုံးပြုခွင့်ရရှိရေးအတွက်ဆောင်ရွက်ရမည့်နည်းလမ်းများ