- Types: Topics
- Categories: စက်မှု့
- agencies: ဘွိုင်လာစစ်ဆေးရေးဌာန
ဘွိုင်လာမှတ်ပုံတင်ခြင်းနှင့် အသုံးပြုခွင့်ရရှိရေးအတွက်ဆောင်ရွက်ရမည့်နည်းလမ်းများ
ဘွိုင်လာကို အသုံးပြုခွင့်ရရှိရေးအတွက် ဆောင်ရွက်ရမည့်နည်းလမ်းမှာ လုပ်ငန်း တစ်ရပ်ရပ်အတွက် ဘွိုင်လာကို အသုံးပြုလိုသူသည် အသုံးပြုခွင့်လက်မှတ် ရရှိရေးအတွက် သက်ဆိုင်ရာ စစ်ဆေးရေးမှူးထံ ပုံစံ(၁)ဖြင့် လျှောက်ထားရမည်။ မှတ်ပုံမတင်ရသေးသော ဘွိုင်လာကို အသုံးပြုခွင့် လက်မှတ်ရရှိရေးအတွက် သက်ဆိုင်ရာစစ်ဆေးရေးမှူးထံ လျှောက်ထား ရာတွင် လျှောက်လွှာနှင့်အတူ ဘွိုင်လာနှင့် သက်ဆိုင်သည့် အောက်ပါ အထောက်အထားများနှင့် သက်သေခံလက်မှတ်များကို ပူးတွဲတင်ပြရမည် -
| (၁) | ပြည်ပမှ တင်သွင်းလာသောဘွိုင်လာ သို့မဟုတ် ပြည်တွင်းတွင်ဝယ်ယူသော ဘွိုင်လာနှင့် သက်ဆိုင်သည့် အထောက်အထားစာရွက်စာတမ်းများ၊ |
| (၂) | ဘွိုင်လာထုတ်လုပ်ရာတွင် လိုက်နာခဲ့သော ထုတ်လုပ်မှုနှင့် စမ်းသပ်မှု စံချိန် စံညွှန်း သက်သေခံလက်မှတ်၊ |
| (၃) | ဘွိုင်လာထုတ်လုပ် ပြီးသည်အထိ အဆင့်ဆင့် စစ်ဆေးခဲ့ကြောင်းကို သက်ဆိုင်ရာ နိုင်ငံက တရားဝင်ထုတ်ပေးသော အာမခံလက်မှတ်၊ |
| (၄) | ဘွိုင်လာတွင် အသုံးပြုသောသံသား၏ ထုတ်လုပ်မှုနည်းစဉ်၊ ရုပ်ဂုဏ်သတ္တိ၊ ဓာတ်ဂုဏ်သတ္တိနှင့် စက်မှုဂုဏ်သတ္တိဆိုင်ရာ သက်သေခံလက်မှတ်များ၊ |
| (၅) | ဘွိုင်လာ၏ အသေးစိတ်ရေးဆွဲပုံစံ၊ ဂဟေဆက်ကြောင်းများကို ဓာတ်မှန် ရိုက်၍ စစ်ဆေးတွေ့ရှိချက်နှင့် အပူပြဂရပ်များ၊ |
| (၆) | ဘွိုင်လာထုတ်လုပ်သည့် ကုမ္ပဏီ၏ အမှတ်တံဆိပ်နှင့် ထုတ်လုပ်သည့် အမှတ်စဉ်၊ |
| (၇) | ရည်ရွယ်တည်ဆောက်သည့်ဖိအား၊ ရေနွေးငွေ့ထုတ်လုပ်မှုပမာဏနှင့် အသုံး ပြုမည့် လောင်စာ၊ |
| (၈) | ဘွိုင်လာနှင့် တွဲဖက်အသုံးပြုသော ရေနွေးငွေ့ပိုက်များ တပ်ဆင်သွယ်တန်းပုံ အသေးစိတ် ရေးဆွဲထားသည့်ပုံစံ၊ |
| (၉) | စစ်ဆေးရေးမှူးချုပ်ကအခါအားလျော်စွာသတ်မှတ်သော အထောက်အထား နှင့်သက်သေခံလက်မှတ်များ။ |
|
Form Download: |
ဘွိုင်လာကိုအသုံးပြုခွင့်ရရှိရေး |
ဦးစီးဌာန: စက်မှုကြီးကြပ်ရေးနှင့် စစ်ဆေးရေးဦးစီးဌာန၊ ဘွိုင်လာ စစ်ဆေးရေးဌာန
ဘွိုင်လာ စစ်ဆေးရေးဌာနရှိ အခြားသော Topics များ
