သံတမန်ဗီဇာ (Diplomatic Visa) ဖြင့် ဝင်ရောက်လာသူများအား နေခွင့်သက်တမ်း တိုးမြှင့်ခြင်း။

Types: Topics

Categories: လူဝင်မှုကြီးကြပ်ရေးနှင့်ပြည်သူ့အင်အား

agencies: လူဝင်မှုကြီးကြပ်ရေးနှင့်ပြည်သူ့အင်အားရုံး

မြန်မာနိုင်ငံသို့ တာဝန်ထမ်းဆောင်ရန် လာရောက်ကြသော နိုင်ငံခြားသံရုံးများမှ သံအမတ်ကြီးများ၊ သံအဖွဲ့ဝင်များ၊ သံရုံးဝန်ထမ်းများ၊ ၄င်းတို့၏ မှီခိုသူ မိသားစုဝင်များအတွက် ပြည်တွင်းနေထိုင်ခွင့်သက်တမ်း တိုးမြှင့်နေထိုင်လိုပါက နိုင်ငံခြားရေးဝန်ကြီးဌာနမှ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနသို့ ညှိနှိုင်းအကြောင်းကြားစာ ပေးပို့ရပါသည်။ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ ခွင့်ပြုကြောင်း အကြောင်းပြန်ကြားစာ ရရှိပါက လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ လုပ်ထုံးလုပ်နည်းနှင့်အညီ နေခွင့်သက်တမ်း တိုးမြှင့်ပေးပါသည်။

(၁)	လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ခွင့်ပြုမိန့်
(၂)	နိုင်ငံခြားရေးဝန်ကြီးဌာန၏ ထောက်ခံချက်
(၃)	သက်ဆိုင်ရာသံရုံးမှ လျှောက်လွှာ
(၄)	Passport မူရင်း/မိတ္တူ
(၅)	ဓါတ်ပုံ(၂)ပုံ