မွေးဖွားသူ အမည်စာရင်း တိုးခြင်း

မွေးဖွားသူ အမည်စာရင်းတိုးခြင်းကိစ္စအတွက် လိုအပ်သော အချက်အလက်များ

၁။	အိမ်ထောင်ဦးစီးကိုယ်တိုင် လာရောက်လျှောက်ထားရမည်။ အိမ်ထောင်ဦးစီးသည် ခိုင်လုံသောအကြောင်းပြချက်ဖြင့် မလာရောက်နိုင်ပါက အိမ်ထောင်စုဝင်ထဲမှ အသက်(၁၈)နှစ် ပြည့်ပြီးသူ တစ်ဦးအား အိမ်ထောင်ဦးစီးမှ ကိုယ်စားလှယ်လွှဲစာဖြင့် စေလွှတ်ရမည်။
၂။	အိမ်ထောင်ဦးစီး၏ လျှောက်လွှာပါရှိရမည်။
၃။	မိဘနှစ်ပါး၏ အမည်ပါရှိသော အိမ်ထောင်စုလူဦးရေစာရင်း အိမ်လက်ခံမူရင်းနှင့် မိတ္တူ ပါရှိ ရပါမည်။
၄။	မိဘနှစ်ပါး အမည်ပါသော အိမ်ထောင်စုလူဦးရေစာရင်း၊ မိဘနှစ်ပါးသည် သီးခြား အိမ်ထောင်စု လူဦးရေစာရင်းတစ်ခုစီ ရှိပါက လူဦးရေတိုးမည့် မိဘ၏ အိမ်ထောင်စုလူဦးရေစာရင်း အိမ်လက်ခံမူရင်း၊ မိတ္တူနှင့် လူဦးရေ စာရင်းတိုးရန် မလိုသည့် မိဘ၏ အိမ်ထောင်စု လူဦးရေစာရင်းမိတ္တူ ပါရရှိရမည်။
၅။	ရပ်ကွက်/ကျေးရွာအုပ်စုအတွင်း နေထိုင်ကြောင်း သက်ဆိုင်ရာ ရပ်ကွက်/ကျေးရွာ အုပ်စု အုပ်ချုပ်ရေးမှူး၏ ထောက်ခံချက် ပါရှိရမည်။
၆။	မွေးဖွားကြောင်း အထောက်အထားလက်မှတ် ပုံစံ၊ ထွေ-၁(က) (သို့မဟုတ်) မွေးစာ ရင်းလက်မှတ် မူရင်းနှင့် မိတ္တူ ပါရှိရမည်။

Form Download :	မွေးဖွားသူအမည်စာရင်း တိုးခြင်းဖောင်
	ကိုယ်စားလှယ်လွှဲစာဖောင်