အုပ်ချုပ်မှုဒါရိုက်တာ၏ ကာလာဓါတ်ပုံ ( ၃ ) ပုံ
( လွန်ခဲ့သည့် ၆ လအတွင်း ရိုက်ထားသည့် 1 1/4" x 13/4" အရွယ်အစား၊ မြန်မာ အမျိုးသားဝတ်စုံ ( သို့ ) အနောက်တိုင်းဝတ်စုံကို စနစ်တကျ ဝတ်ဆင်ရိုက်ထားသည့်ပုံ )

ကုမ္ပဏီမှတ်ပုံတင်ရုံးသို့ တင်ပြထားသော ပုံစံ ( ၆ ) နှင့် ( ၂၆ ) မိတ္တူ၊

ကုမ္ပဏီအမည်ဖြင့် ဘဏ်တစ်ခုခုတွင် ငွေကျပ် အနည်းဆုံး ( ၃ ) သိန်းပေးသွင်းထားကြောင်း၊ ဘဏ်မှထုတ်ပေးထားသည့် အထောက်အထား ( ငွေသွင်းရာတွင် Current A/C ဖြင့်သာ ပေးသွင်းရမည် )

ဦးစီးဌာန၏ စည်းကမ်းချက်များ လိုက်နာမည်ဖြစ်ကြောင်း ဝန်ခံကတိပြုချက်၊

ဆောင်ရွက်မည့် ခရီးစဉ်၊ စျေးနှုန်း၊ Tour Conditions၊

ခရီးသွားလုပ်ငန်းရည်ရွယ်ချက်ပါသော သင်းဖွဲ့မှတ်တမ်း၊ သင်းဖွဲ့စည်းမျဉ်းစာအုပ်မူရင်း( ၁ ) အုပ်၊ ( အုပ်ချုပ်မှုဒါရိုက်တာ၊ ဒါရိုက်တာများ၏ လက်မှတ်မူရင်းနှင့် ကုမ္ပဏီထောင်ပေးသည့် ရှေ့နေ/ စာရင်းကိုင်၏ လက်မှတ်မူရင်းပါရှိရမည်။  ရည်ရွယ်ချက်တွင် ခရီးသွားလုပ်ငန်းပါဝင်ရမည်။ )

ကုမ္ပဏီမန်နေဂျင်းဒါရိုက်တာ၏ မှတ်ပုံတင်မိတ္တူ၊ ကိုယ်ရေးရာဇဝင်၊

ရုံးခန်းဖွင့်လှစ်ထားသည့် အထောက်အထားမှတ်တမ်းဓါတ်ပုံ (၃) ပုံ ( ဆိုင်းဘုတ်ပါ မျက်နှာစာပုံ၊ ဝန်ထမ်းစားပွဲ၊ ကုလားထိုင်များပုံ၊ အင်တာနက်ချိတ်ထားသည့် အထောက်အထားဓါတ်ပုံ )

လုပ်ငန်းလိုင်စင်ခွင့်ပြုပြီးနောက်ပိုင်း ဌာနမှ လိုက်လံစစ်ဆေးသည့်အခါ ကုမ္ပဏီအနေဖြင့်ရုံးခန်းစနစ်တကျမရှိခြင်း၊ တာဝန်ခံဆောင်ရွက်မည့် ဝန်ထမ်းမရှိခြင်း၊ လုပ်ငန်းအမှန်တကယ် မဆောင်ရွက်ခြင်း စသည့်ကဲ့သို့သော ချို့ယွင်းအားနည်းချက်များ တွေ့ရှိခဲ့ပါကလုပ်ငန်းလိုင်စင်ကို ပြန်လည်ရုပ်သိမ်းခံရမည်ကို လုပ်ငန်းရှင်အနေဖြင့် သိရှိလိုက်နာမည် ဖြစ်ကြောင်း ကတိပြုဝန်ခံချက်၊

ဦးစီးဌာနမှ လုပ်ထုံးလုပ်နည်းအရ လုပ်ငန်းလိုင်စင် ထုတ်ပေးမည်။

အုပ်ချုပ်မှုဒါရိုက်တာပြောင်းလဲခြင်း ( သို့ ) ကုမ္ပဏီအမည်ပြောင်းလဲခြင်းဆောင်ရွက်ပါက ကုမ္ပဏီရုံးမှ အတည်ပြုထုတ်ပေးထားသောစာ။

ကုမ္ပဏီမှ တင်ပြသော စာရွက်စာတမ်းများ၏ မိတ္တူနှင့်ပတ်သက်၍ အုပ်ချုပ်မှု ဒါရိုက်တာမှ တာဝန်ယူကြောင်း လက်မှတ်ရေးထိုးပေးရန် လိုအပ်ပါသည်။

ဦးစီးဌာနသို့ လိုင်စင်မလျှောက်ထားမီ ကုမ္ပဏီမှတ်ပုံတင်ရုံးတွင် ခရီးသွားလုပ်ငန်းရည်ရွယ်ချက်ပါ ကုမ္ပဏီအဖြစ် မှတ်ပုံတင်လျှောက်ထားရန် လိုအပ်ပါသည်။

ဖွင့်လှစ်သောရုံးခန်းသည် ရုံးခန်းအင်္ဂါရပ်နှင့် ပြည့်စုံရန်နှင့် ကုမ္ပဏီမ၏ ဆိုင်းဘုတ်ကို မြင်သာသော နေရာ၌ ချိတ်ဆွဲထားရမည်။

တင်ပြချက်အရ တာဝန်ပေးအပ်သော စစ်ဆေးရေးအဖွဲ့က ရုံးခန်းသို့ လာရောက် စစ်ဆေးပါမည်။

 Form Download:

ခရီးလှည့်လည်ရေးလုပ်ငန်းလိုင်စင်လျှောက်ထားခြင်း