ဘဏ်ချေးငွေများ ထုတ်ချေးခြင်း

Types: Topics

Categories: စီမံကိန်းနှင့်ဘဏ္ဍာရေး

agencies: မြန်မာ့လယ်ယာဖွံ့ဖြိုးရေးဘဏ်

ဘဏ်ချေးငွေများ ထုတ်ချေးခြင်း

၁။	မိုးရာသီ သီးနှံထုတ်လုပ်မှု ဘဏ်ချေးငွေများ ထုတ်ချေးခြင်း
၂။	ဆောင်းရာသီ သီးနှံထုတ်လုပ်မှု ဘဏ်ချေးငွေများ ထုတ်ချေးခြင်း
၃။	မိုးကြိုရာသီ သီးနှံထုတ်လုပ်မှု ဘဏ်ချေးငွေများ ထုတ်ချေးခြင်း တို့ဖြစ်ပြီး ၂၀၁၇-၂၀၁၈ ဘဏ္ဍာရေးနှစ်မှစ၍ စပါးတစ်ဧကလျှင် ကျပ် ၁၅၀၀၀၀/-နှုန်း၊ ကြံ တစ်ဧကလျှင် ကျပ် ၁၀၀၀၀၀/- နှုန်း၊ ဆီထွက်သီးနှံ၊ ပဲမျိုးစုံ၊ ချည်မျှင်ရှည်ဝါ၊ ဂုန်လျှော်၊ အစေ့ထုတ်ပြောင်း တစ်ဧကလျှင် ကျပ် ၅၀၀၀၀/- ထုတ်ချေးပေးလျှက် ရှိပါသည်။

ဖွံဖြိုးရေးချေးငွေများ ဖြစ်သည့် (၁)လက်တွန်းထွန်စက် ချေးငွေ ထုတ်ချေးခြင်း၊ (၂)ရေစုပ်စက် ချေးငွေ ထုတ်ချေးခြင်း၊ (၃)အခြား လယ်ယာသုံးစက်ကိရိယာ ထုတ်ချေးခြင်းတို့ဖြစ်ပြီး လယ်ယာသုံး စက်ကိရိယာ များ ထုတ်ချေးရာတွင် စက်မှုလယ်ယာဦးစီးဌာနမှ ထုတ်လုပ်သော စက်များအတွက် စက်တန်ဘိုး၏ (၃၀%) စုဆောင်းရမည်ဖြစ်ပြီး စက်မှုဝန်ကြီးဌာနမှ ထုတ်လုပ်သော စက်များအား ဝယ်ယူလိုပါက ဝယ်ယူမည့် စက်တန်ဘိုး၏ (၄၀%)ကို စုဆောင်းငွေ အဖြစ် စုဆောင်းရပြီး ဘဏ်မှ စက်တန်ဘိုးအပြည့် ထုတ်ချေးပါသည်။ အခြားပြင်ပ ပုဂ္ဂလိက ကုမ္ပဏီများမှ ရောင်းချသော စက်များ ဖြစ်ပါက စက်တန်ဘိုး၏ (၅၀%)ကို ကြိုတင်ငွေ အဖြစ် စုဆောင်းရပါသည်။

မိုး၊ ဆောင်း၊ မိုးကြို ရာသီ သီးနှံထုတ်လုပ်မှု ဘဏ်ချေးငွေထုတ်ချေးရန် လိုက်နာရမည့် စည်းကမ်းချက်များ

၁။	အချိန်စေ့ရောက်ပြီး နှစ်စဉ်ချေးငွေ၊ နှစ်တိုချေးငွေ၊ နှစ်ရှည်ချေးငွေ အရစ်ကျငွေ အရင်း၊ အတိုးများ ပြေကျေရမည်။
၂။	၂၀၁၂-ခုနှစ်၊ ပြည်ထောင်စု လက်ကော် ဥပဒေအမှတ် (၁၁)၊ လယ်ယာမြေဥပဒေ အခန်း(၂)၊ ပုဒ်မ ၄၊ ၅၊ ၆ များအရ သက်ဆိုင်ရာ မြို့နယ် လယ်ယာမြေစီမံခန့်ခွဲရေးနှင့် စာရင်းအင်း ဦးစီးဌာန၏ လယ်ယာမြေလုပ်ပိုင်ခွင့်လက်မှတ် (ပုံစံ-၇) ရရှိပြီးသူ ဖြစ်ရမည်။ ၄င်းလက်မှတ် မိတ္တူတစ်စောင်ကို ဘဏ်သို့ကြိုတင် ပေးပို့ထားရမည် ဖြစ်ပြီး၊ ငွေချေးယူရန် ဘဏ်သို့လာရောက်သည့်အခါ ဘဏ်က တိုက်ဆိုင် စစ်ဆေးရန်အတွက် ၄င်းလက်မှတ် မူရင်းကို ယူဆောင်လာရမည်။
၃။	ဘဏ်တွင် ငွေစုစာရင်းဖွင့်လှစ်ထားပြီးသူ ဖြစ်ရမည်။
၄။	တောင်သူလယ်သမားများ အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေး နည်းဥပဒေ(၂၃)အရ ဆန္ဒအရပါဝင်သော တောင်သူလယ်သမား(၃)ဦးပါဝင်သည့် အဖွဲ့ဖြင့် ထုတ်ချေးရမည်။
၅။	ချေးငွေကို ဘဏ်ကသတ်မှတ်သည့် ကောက်ခံရေးကာလအတွင်း ကျသင့်အတိုးနှင့်တကွ ပြေကျေစွာ ပေးဆပ်ရမည်။
၆။	ချေးငွေပြေကျေရန်အတွက် ကိုယ်စီကိုယ်ငှဖြစ်စေ၊ တွဲဖက်၍ ဖြစ်စေ တာဝန်ယူရမည်။ ငွေချေးယူသူ တစ်ဦးချင်းအနေဖြင့် မိမိကိုယ်တိုင်ချေးယူငွေသာမက မိမိအဖွဲ့ပါ ကျန်(၂)ဦး ၏ ချေးငွေအရင်းနှင့် ကျသင့်အတိုး၊ ဒဏ်တိုးများ ပြေကျေရေးအတွက်လည်း စိုက်လျော် ပေးသွင်းရန် အပြည့်အဝ တာဝန်ယူကြောင်း ကတိပြုသူ ဖြစ်ရမည်။
၇။	မိမိကိုယ်တိုင်ချေးယူသော ချေးငွေ အရင်း၊ အတိုးများ ပြေကျေပြီးဖြစ်စေကာမူ ကျန်(၂)ဦး ချေးယူသော ချေးငွေအရင်း၊ အတိုးများ ပြေကျေခြင်းမရှိပါက အဖွဲ့ဝင် (၃)ဦးလုံးသည် ချေးငွေသစ် ထုတ်ချေးရန် ဘဏ်သို့ တင်ပြတောင်းဆိုခြင်း မပြုရပါ၊။

ဘဏ်သို့ချေးငွေထုတ်ချေးရန် လာရောက်ပါက ယူဆောင်လာရမည့် စာရွက်စာတမ်းများ

၁။	နိုင်ငံသား မှတ်ပုံတင်ကဒ်
၂။	လယ်သမားပိုင် ငွေစုစာရင်း ဖွင့်လှစ်ထားသည့် ငွေစုစာအုပ် (ငစ-၄) ယူဆောင်လာရန်။ အိမ်ထောင်စုဇယားအတွင်း ငွေစုစာရင်းမဖွင့်လှစ်ရသေးပါကကျေးရွာအုပ်စု ချေးငွေဥက္ကဌ နှင့် ချေးငွေစိစစ်ရေးအတွင်းရေးမှူး၏ ထောက်ခံချက်နှင့် ငွေစုစာရင်းဖွင့်လှစ်ရန်(ချေးငွေ မထုတ်ချေးမီ ကြိုတင်ဖွင့်လှစ်ရန်၊ ချေးငွေစိစစ်ရေးအဖွဲ့သို့ ချေးငွေထုတ်ချေးမည့် အကြောင်း တင်ပြရန်) ။
၃။	လက်ယာမြေလုပ်ပိုင်ခွင့်လက်မှတ် ပုံစံ(၇) မိတ္တူနှင့်တကွ မူရင်းပါယူဆောင်လာရန်။
၄။	ချေးငွေစာချုပ်(ကဘ-၈)တွင်သက်ဆိုင်ရာ ကျေးရွာအုပ်စု ချေးငွေစိစစ်ရေးအဖွဲ့၏ ထောက်ခံချက်။
၅။	ချေးငွေစာချုပ်(ကဘ-၈)တွင် သက်ဆိုင်ရာဌာနအဖွဲ့အစည်းများ၏ ထောက်ခံချက်များ။
၆။	ချေးငွေထုတ်ချေးရာတွင် ကျေးရွာအုပ်စုအလိုက် ထုတ်ချေးခြင်းဖြစ်ပါသည်။ ကြွေးဟောင်းကျန် တောင်သူများအား ထုတ်ချေးခြင်းမပြုပါ။ ကြွေးဟောင်း ချေးငွေ ပြေကျေပြီးပါက ချေးငွေရာသီချိန်မီပါက ထုတ်ချေးသွားပါမည်။
၇။	ကာယကံရှင်ကိုယ်တိုင်ဆောင်ရွက်ရန် သတ်မှတ်ထားသော်လည်း ထူးခြားသည့် အခြေအနေ ဖြစ်ပေါ်ပါက ပူးတွဲ(ခ)စာရင်းဖွင့်လှစ်ထားသူသည် ကိုယ်စားလှယ်လွှဲစာဖြင့် ထုတ်ချေးနိုင်မည် ဖြစ်ပါသည်။

Form Download:

လျှောက်လွှာဖောင် Download ရယူပါ။

ဦးစီးဌာန: မြန်မာ့လယ်ယာ ဖွံဖြိုးရေးဘဏ်

လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာနရှိ အခြားသော Topics များ

ဘဏ်ချေးငွေများ ထုတ်ချေးခြင်း

3468 hit(s)