စာဖြင့်တိုင်ကြားသည့်စားသုံးသူတိုင်ကြားလွှာ

Types: Topics

Categories: စီးပွားရေးနှင့် ကူးသန်းရောင်းဝယ်ရေး

agencies: စားသုံးသူရေးရာ

စာဖြင့်တိုင်ကြားသည့်စားသုံးသူတိုင်ကြားလွှာ

စားသုံးသူတိုင်ကြားလွှာအား ရေးသားဖြည့်သွင်းခြင်းမပြုမီ အရေးကြီးသော အောက်ပါ သတင်းအချက်အလက်များကို ဦးစွာဖတ်ရှုပါ။

(၁)	စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်မှုမြှင့်တင်ရေးနှင့် စားသုံးသူရေးရာ ဦးစီးဌာန၊ စားသုံးသူရေးရာဌာနခွဲ၊ နေပြည်တော်၊ တိုင်းဒေသကြီး/ပြည်နယ် ဦးစီးမှူးရုံးများ၊ စားသုံးသူအငြင်းပွားမှုဖြေရှင်းရေးအဖွဲ့များ၊ စားသုံးသူတိုင်ကြားမှုလက်ခံ ဆောင်ရွက်ရေး လုပ်ငန်းကော်မတီသည် စားသုံးသူများအား ကုန်စည် သို့မဟုတ် ဝန်ဆောင်မှုတို့ကို သုံးစွဲရာတွင် လိမ်လည်လှည့်ဖြားမှု မခံရစေရန် ဥပဒေအရ အကာအကွယ်ပေးနိုင်ရန် ဆောင်ရွက်လျက်ရှိသည်။
(၂)	ကျွန်ပ်တို့၏ စားသုံးသူရေးရာဌာနခွဲဝန်ထမ်းများသည် စားသုံးသူများ၏ မေးခွန်းများအား ကူညီဖြေဆိုပေးနိုင်ရန် အသင့်ဖြစ်သည်။ သင့်အနေဖြင့် စားသုံးသူကာကွယ်ရေးနှင့်ပတ်သက်သည့် ကိစ္စရပ်များကို မေးမြန်းလိုပါက ဆက်သွယ်မေးမြန်းနိုင်သည်။
(၃)	ကျွန်ုပ်တို့သည် ပုဂ္ဂိုလ်ရေးရာ၊ မိသားစု သို့မဟုတ် အိမ်ထောင်စုအတွက် ရည်ရွယ်ချက်ဖြင့် ဝယ်ယူသုံးစွဲသည့် ကုန်စည် သို့မဟုတ် ဝန်ဆောင်မှုနှင့်ပတ်သက်သည့် တိုင်ကြားမှုများ၊ သို့မဟုတ် ယင်းရည်ရွယ်ချက်ဖြင့် လုပ်ဆောင်သည့်ကြော်ငြာ၊ ရောင်းချရန်ကမ်းလှမ်းခြင်း၊ အရောင်းမြှင့်တင်ခြင်းတို့နှင့် ပတ်သက်သည့် တိုင်ကြားမှုများကိုသာ ဖြေရှင်းဆောင်ရွက်ပေးရန် အခွင့်အာဏာရှိသည်။
(၄)	ကျွန်ုပ်တို့သည် ပုဂ္ဂလိက ကဏ္ဍမှ တစ်ဦးချင်းလုပ်ငန်းဆောင်ရွက်သူများ အချင်းချင်း ၄င်းတို့၏ လုပ်ငန်းများနှင့်ပတ်သက်သည့် တိုင်ကြားမှုများနှင့် စီးပွားရေးလုပ်ငန်းအလို့ငှာ ရည်ရွယ်ဆောင်ရွက်သည့် ကုန်စည် သို့မဟုတ် ဝန်ဆောင်မှုတို့ပါဝင်သော လုပ်ငန်းများနှင့် ပတ်သက်သည့် တိုင်ကြားမှုများကို ဖြေရှင်းဆောင်ရွက်ပေးမည်မဟုတ်ပါ။
(၅)	ကျွန်ုပ်တို့သည် တရားရုံးတွင် တိုင်ကြားသူများ၏ ကိုယ်စားအနေဖြင့် ဥပဒေအကြံဉာဏ်ပေးခြင်း၊ ဥပဒေကိုယ်စားလှယ်အဖြစ် ဆောင်ရွက်ခြင်း သို့မဟုတ် အမှုကိစ္စများကို လိုက်လံဆောင်ရွက်ခြင်း၊ တရားရုံးတစ်ခုတွင် ကြားနာရန် စီစဉ်ဆောင်ရွက်ထားသော သို့မဟုတ် ကြားနာပြီးသော တိုင်ကြားမှုများကို ဖြေရှင်းဆောင်ရွက်ပေးခြင်း၊ သင့်လျော်သော ဆုံးဖြတ်ပိုင်ခွင့်ရှိသည့် ဌာန သို့မဟုတ် အဖွဲ့အစည်းတို့မှ စုံစမ်းစစ်ဆေးနေဆဲဖြစ်သော သို့မဟုတ် ဖြေရှင်းဆောင်ရွက်ပေးခြင်းတို့ကို ပြုလုပ်ပေးမည်မဟုတ်ပါ။
(၆)	အချို့သော တိုင်ကြားမှုများမှာ အခြားသက်ဆိုင်သည့် ဌာနများ၏ ဆုံးဖြတ်ပိုင်ခွင့်အာဏာအတွင်းကျရောက်မည်ဖြစ်သောကြောင့် ကျွန်ုပ်တို့၏ ဝန်ထမ်းများမှ သင့်အား သင့်လျော်သော ရွေးချယ်မှု ပြုလုပ်နိုင်ရန် ကူညီဆောင်ရွက်ပေးလိမ့်မည်။
(၇)	သင့်အနေဖြင့် ကျွန်ပ်တို့ထံသို့ တိုင်ကြားလွှာပုံစံကိုပေးပို့မည်ဆိုပါက စာချုပ်များ၊ ကုန်အမှာလွှာများ သို့မဟုတ် အရောင်းပြေစာများ စသည့် စာရွက်စာတမ်းတစ်ခုခုကို မိတ္တူနှင့်တကွ ပူးတွဲ ပေးပို့ရန် ဖြစ်ပါသည်။ ထို့ပြင် ကျွန်ုပ်တို့အနေဖြင့် သင်၏ တိုင်ကြားမှုနှင့် ဆက်နွယ်မှုမရှိသော မည်သည့်ပုဂ္ဂိုလ်ရေးရာ ငွေကြေးသတင်းအချက် အလက်ကိုမျှ မလိုအပ်ပါ။ ယင်းစာရွက်စာတမ်းများ ပါဝင်ပါက ချန်လှပ်ထားပါ။
(၈)	ကျွန်ုပ်တို့ထံ ဆက်သွယ်လိုပါက စားသုံးသူရေးရာ ဌာနခွဲ ရုံးအမှတ် (၅၂)၊ နေပြည်တော်၊ ဖုန်း ၀၆၇-၄၃၀၂၁၇၊ ဖက်စ် ၀၆၇-၄၃၀၂၀၃

Form Download:

စာဖြင့်တိုင်ကြားသည့်စားသုံးသူတိုင်ကြားလွှာ

ဦးစီးဌာန: စားသုံးသူရေးရာဦးစီးဌာန

စားသုံးသူရေးရာဦးစီးဌာနရှိ အခြားသော Topics များ

နှုတ်ဖြင့်တိုင်ကြားသည့်စားသုံးသူတိုင်ကြားလွှာ

စာဖြင့်တိုင်ကြားသည့်စားသုံးသူတိုင်ကြားလွှာ