မြန်မာ့သမိုင်းမတင်မီခေတ် ယဉ်ကျေးမှုအမွေအနှစ်များ ဖော်ထုတ်လေ့လာ ရာတွင် ကွင်းဆင်းလေ့လာရန်နှင့် မြန်မာနိုင်ငံ၏ ပရိုင်းမိတ်သုတေသန လုပ်ငန်း၊ ကျောက်ခေတ်၊ ကြေးခေတ်၊ သံခေတ် ယဉ်ကျေးမှု သုတေသန လုပ်ငန်းများ ဆောင်ရွက်ရန်နှင့် မြန်မာ့ရှေးဟောင်းနေရာများ တူးဖော် သုတေသန ပြုရန် ဆောင်ရွက်ရမည်၊

သမိုင်းဝင် ရှေးဟောင်းဒေသများ၊ ရှေးဟောင်းအဆောက်အအုံများ ရှာဖွေ ဖော်ထုတ် ထိန်းသိမ်း၍ ဥပဒေနှင့်အညီ ဇုန်နယ်မြေများ သတ်မှတ်ကာကွယ် စောင့်ရှောက်ရမည်၊

ရှေးဟောင်းကမ္ပည်းစာ (ကျောက်စာ၊ ခေါင်းလောင်းစာ၊ နံရံမင်စာ စသည့်) ရှေးဟောင်းပစ္စည်းများ စုဆောင်း၊ မှတ်တမ်းတင် သုတေသနပြုရမည်၊

ယဉ်ကျေးမှု ပြတိုက်နှင့် စာကြည့်တိုက်များ တို့းချဲ့တည်ဆောက် ဖွင့်လှစ်၍ ပညာပေးရေးလုပ်ငန်းများ၊ သတင်းအချက်အလက် ဝန်ဆောင်မှုလုပ်ငန်းများ ဆောင်ရွက်ရမည်၊

အမျိုးသားယဉ်ကျေးမှုအမွအနှစ်များကို ကမ္ဘာ့ယဉ်ကျေးမှု အမွေအနှစ် စာရင်းသို့ တင်သွင်းရေးနှင့် အမျိုးသားအဆင့် ထိန်းသိမ်းစောင့်ရှောက်ရေး ဆောင်ရွက်ရမည်၊

တိုင်းရင်းသားများ၏ ရိုးရာယဉ်ကျေးမှု ဓလေ့စရိုက်၊ လက္ခဏာများ မှတ်တမ်းတင် သုတေသနပြုရမည်၊

မြန်မာ့ယဉ်ကျေးမှုအမွေအနှစ်များ ဖော်ထုတ်၍ ရေရှည်တည်တံ့အောင် ထိန်းသိမ်း ကာကွယ်စောင့်ရှောက်နိုင်ရန်နှင့် လိုအပ်သည့် ဥပဒေ၊ နည်းဥပဒေ များ ပြဌာန်း ဆောင်ရွက်ရန် ဆောင်ရွက်ရမည်၊

ကမ္ဘာ့ယဉ်ကျေးမှုအမွေအနှစ်စာရင်းဝင်ဒေသအဖြစ် တိုးမြှင့်တည်ရှိနိုင်ရေးနှင့် Media အသွင် ထိရောက်သော ပညာပေးဆောင်ရွက်မှုကြောင့် လူထုနှင့် နိုင်ငံတကာတို့က မြန်မာ့ရှေးဟောင်းအမွေအနှစ်နှင့် သုတေသနပညာရပ်များ အား ကျယ်ပြန့်စွာသိမြင်လာနိုင်ခြင်း၊

ပြတိုက်နှင့် စာကြည့်တိုက်များ ခင်းကျင်းပြသမှုစနစ်တွင် ခေတ်မီ နည်းစနစ်များ အစားထိုးဆောင်ရွက်ခြင်းဖြင့် နိုင်ငံတကာအဆင့်မီ ပြတိုက်နှင့် စာကြည့်တိုက် များ ပေါ်ထွန်းလာစေခြင်း၊

ရှေးဟောင်းဝတ္ထုပစ္စည်းများ ပိုမိုရှာဖွေဖော်ထုတ်၊ စုဆောင်း ပြသလာနိုင် သည်နှင့် အမျှ မြန်မာအမျိုးသားတို့၏ အမျိုးဂုဏ်၊ ဇာတိဂုဏ် မြင့်မားမှုတို့ကို သိမြင် လာနိုင်စေခြင်း၊

(ဆ)

ရှေးဟောင်းသုတေသနဆိုင်ရာ၊ ပြတိုက်နှင့် စာကြည့်တိုက်များဆိုင်ရာ ပညာရပ်များ ဖြန့်ဖြူးခြင်းဖြင့် ယဉ်ကျေးမှု အသိစိတ်ဓာတ်များအား ပေါ်ပေါက်ခိုင်မာ လာစေခြင်း၊