ခုတင်(၃၀၀)ဆံ့ သင်ကြားရေးဆေးရုံကြီး
Category: ကျန်းမာရေးဝန်ကြီးဌာန
ရည်ရွယ်ချက်
| (၁) | လူတိုင်း သက်တမ်းစေ့ အသက်ရှည်စွာနေနိုင်ရေး၊ |
| (၂) | လူတိုင်း ရောဂါဘယကင်းရှင်းရေး၊ |
အဓိကလုပ်ငန်းတာဝန်များ
| (၁) | မန္တလေးမြို့၊ ခုတင်(၃၀၀)ဆံ့သင်ကြားရေးဆေးရုံကြီးသည် ဗဟိုအဆင့်ဆေးရုံကြီး ဖြစ်သည့်အတွက် ရောဂါဖြစ်ပွား၍ ဆေးရုံသို့ရောက်ရှိလာသော လူနာများကို Early Diagnosis & Prompt Treatment လျှင်မြန်၍ ထိရောက်သော ကုသမှုများ ပေးခြင်းဖြစ်ပါသည်။ ခေတ်မီရောဂါရှာဖွေရေး စက်ကိရိယာများ၊ ဓါတ်ခွဲစစ်ဆေးခြင်း ကို အချိန်နှင့်တပြေးညီ ဆောင်ရွက်ပေးခြင်းဖြင့် အထောက်အကူ ပြုပေးပါသည်။ |
| (၂) | သင်ကြားရေးဆေးရုံကြီးဖြစ်သည့်အတွက် ဆေးတက္ကသိုလ်/ သွားဆေးတက္ကသိုလ်/ သူနာပြုတက္ကသိုလ်/ ဆေးဝါးတက္ကသိုလ်/ ဆေးဘက်ဆိုင်ရာနည်းပညာတက္ကသိုလ် ကျောင်းသား/ကျောင်းသူများအား သက်ဆိုင်ရာဆရာဝန်ကြီးများမှ စာတွေ့၊ လက်တွေ့ သင်ကြားခြင်းကို ဆောင်ရွက်လျှက်ရှိပါသည်။ |
| (၃) | ပြည်သူ့ကျန်းမာရေးလုပ်ငန်း စီမံချက်များအား အကောင်အထည်ဖော်ဆောင်ရွက်ရာ တွင်လည်း တီဘီရောဂါလူနာများအတွက် အမျိုးသားတီဘီရောဂါတိုက်ဖျက်ရေးစီမံ ကိန်းနှင့် ပူးပေါင်း၍ Public-Public Mixed DOTS (PPM DOTS Corner) ကို ဖွင့်လှစ်ဆောင်ရွက်ခြင်း၊ Unicef အထောက်အပံ့ဖြင့် မိခင်မှ သန္ဓေသားသို့ HIV ပိုး ကူးစက်ခြင်းမှ ကာကွယ်ရေးအတွက် PMCT စီမံချက်လုပ်ငန်းဆောင်ရွက်ခြင်း၊ တစ်နှစ်အောက်ကလေးများအား ကာကွယ် ဆေးထိုးနှံတိုက်ကျွေးခြင်းနှင့် ကိုယ်ဝန် ဆောင်မိခင်များအား မေးခိုင်ကာကွယ်ဆေးထိုးခြင်းတို့အတွက် EPI စီမံချက် လုပ်ငန်း ဆောင်ရွက်ခြင်း၊ Union/NAP နှင့်ပူးပေါင်း၍ HIV ပိုးတွေ့လူနာများအား ART တိုက်ကျွေးခြင်းလုပ်ငန်း Integrated HIV/AIDS (IHC Programme)ကို ဆောင်ရွက်ခြင်း၊ မန္တလေးမြို့ စိတ်ကျန်းမာရေးဆေးရုံနှင့် ပူးပေါင်း၍ မူးယစ်ဆေးစွဲ လူနာများကို Methadone ဆေးရည်တိုက်ကျွေးခြင်းတို့ကိုလည်း ဆောင်ရွက်လျှက် ရှိပါသည်။ |
ပြည်သူနှင့်ဆက်သွယ်ဆောင်ရွက်ပေးရသည့် လုပ်ငန်းတာဝန်များ
ဆေးရုံတက်ရောက်ကုသသော လူနာများ၏ လူမှုရေး၊ စီးပွားရေး၊ အခက်အခဲ ပြဿနာများအတွက် ဆေးလူမှုဆက်ဆံရေးဌာနမှ ဆေးလူမှုဆက်ဆံရေးအရာရှိ (၁)ဦးနှင့် ဆေးလူမှုဆက်ဆံရေးမှူး (၂)ဦးတို့မှ လူမှုကူညီရေးအသင်းအဖွဲ့များ၊ ပြည်သူများနှင့် ဆက်သွယ်ဆောင်ရွက်ပေးလျှက်ရှိပါသည်။
| ရုံးလိပ်စာ | ၄၆x၄၈ လမ်း၊ ၆၀x၆၂ လမ်းအတွင်း၊ သိပ္ပံလမ်းတောင်ဘက်၊ ချမ်းမြသာစည်မြို့နယ်၊ မန္တလေးမြို့။ | |
| ဆက်သွယ်ရန်ဖုန်းနံပါတ် | ၀၂ ၈၁၀၃၉၊ ၀၂ ၈၀၃၄၀၊ ၀၂ ၈၀၉၅၉ | |
| အီးမေးလ်လိပ်စာ | 3This email address is being protected from spambots. You need JavaScript enabled to view it. | |
| website လိပ်စာ | ||
| Social Link |
| Eservices | Topics | |
| News | ||