အထူးစုံစမ်းစစ်ဆေးရေးဦးစီးဌာန

 

Category: ပြည်ထဲရေးဝန်ကြီးဌာန

ပြည်သူလူထုအတွက် အဓိကဆောင်ရွက်သည့် ကိစ္စရပ်များ

၁။ အထူးစုံစမ်းစစ်ဆေးရေးဦးစီးဌာနသည် နိုင်ငံတော်၏အကျိုး၊ တိုင်းရင်းသားပြည်သူများ ၏ အကျိုးစီးပွားကိုအစဉ်ရှေးရှုပြီး မိမိအားအပ်နှင်းထားသော တာဝန်နှင့် လုပ်ပိုင်ခွင့်များအရ စီးပွားရေးဆိုင်ရာပြစ်မှုများ၊ ဝန်ထမ်းမသမာမှုများ၊ ငွေကြေးခဝါချမှုများကို စုံစမ်းဖော်ထုတ်၍ တရားဥပဒေနှင့်အညီ အရေးယူဆောင်ရွက်လျက် ရှိပါသည်။
၂။ အထူးစုံစမ်းစစ်ဆေးရေးဦးစီးဌာနသည် အောက်ပါရည်ရွယ်ချက်များဖြင့် လုပ်ငန်းများ ဆောင်ရွက်လျက်ရှိပါသည်-
(က) ဖြစ်ရပ်မှန် ပေါ်ပေါက်အောင် စုံစမ်းဖော်ထုတ်၍ တာဝန်ရှိသူများအား ပြစ်မှုကြောင်း အရလည်းကောင်း၊ ဌာနဆိုင်ရာအရလည်းကောင်းအရေးယူနိုင်ရေး
(ခ) ပြစ်မှုကျူးလွန်ရာ၌ အကျုံးဝင်သည့် ငွေကြေး၊ ပစ္စည်းများသိမ်းဆည်းနိုင်ခြင်းဖြင့် ဆုံးရှုံးသွားသောပြည်သူ့ဘဏ္ဍာများပြန်လည်ရရှိရေး
(ဂ) ဖြစ်ရပ်သည် မည်သည့်အကြောင်းကြောင့် ဖြစ်ရသည်၊ မည်သူ့တွင် တာဝန်ရှိသည်၊ မည်သို့ ပြုပြင်သင့်သည်တို့ကိုပါ ဖော်ထုတ်သုံးသပ်၍ နောင်အလားတူဖြစ်ရပ်မျိုး မပေါ်ပေါက်စေရန် စီမံခန့်ခွဲရေးအပိုင်းမှ ကြိုတင်တားဆီးကာကွယ်နိုင်ရေး
၃။ အထူးစုံစမ်းစစ်ဆေးရေးဦးစီးဌာနသည် အောက်ပါရည်မှန်းချက် တာဝန်(၄)ရပ်ဖြင့် အကောင်အထည်ဖော်ဆောင်ရွက်သွားပါမည်-
(က) စီးပွားရေးဆိုင်ရာပြစ်မှုများစုံစမ်းဖော်ထုတ်အရေးယူရေး
(ခ) ဝန်ထမ်းမသမာမှုများစုံစမ်းဖော်ထုတ်အရေးယူရေး
(ဂ) နိုင်ငံတော်လုံခြုံရေးအတွက် သတင်းများစုဆောင်တင်ပြရေး
(ဃ) ပြည်သူ့အကျိုးပြုဆောင်ရွက်ရေး
၄။ အဆိုပါ ဦးစီးဌာနရည်မှန်းချက်တာဝန်များကိုဆောင်ရွက်ရာတွင် အထူးစုံစမ်းစစ်ဆေးရေး ဦးစီးဌာနအနေဖြင့် “ အုပ်ချုပ်ရေး အာဏာသက်ရောက်ခြင်းဖြင့် တရားဥပဒေစိုးမိုးမှုရရှိကာ တည်ငြိမ်အေးချမ်းမှုနှင့် ဖွံ့ဖြိုးမှုကိုဖြစ်ထွန်းစေသော နိုင်ငံတော်လုံခြုံရေးကို တည်ဆောက်ခြင်း” ဟူသော ပြည်ထဲရေးဝန်ကြီးဌာန၏ အမျိုးသားလုံခြုံရေးမူဝါဒကိုအခြေခံ၍ အကောင်အထည်ဖော် ဆောင်ရွက်လျက်ရှိပါသည်။

 

 

     
  ရုံးလိပ်စာ

  ဆက်သွယ်ရန်ဖုန်းနံပါတ်

  ဖက်(စ်)ဖုန်း
  အီးမေးလ်လိပ်စာ
  website လိပ်စာ

  

Eservices   Topics
 
News  
No tagged items found