မြန်မာ့ကျောက်မျက်ရတနာရောင်းဝယ်ရေးလုပ်ငန်း၊ ကျောက်မျက်တူးဖော်ရေးဌာန၊ မိုးကုတ်မြို့
Category: သယံဇာတနှင့် သဘာ၀ပတ်၀န်းကျင်ထိန်းသိမ်းရေး၀န်ကြီးဌာန
မြန်မာ့ကျောက်မျက်ရတနာရောင်းဝယ်ရေးလုပ်ငန်း၏ ရည်မှန်းချက်များ
| (၁) | မြန်မာနိုင်ငံအတွင်း၌ ကျောက်စိမ်း၊ ကျောက်မျက်အချောထည်လုပ်ငန်းနှင့် ကျောက်မျက်ရတနာစျေးကွက် ဖြစ်ပေါ်လာစေရန်။ |
| (၂) | ပုဂ္ဂလိကပိုင်ကဏ္ဍမြင့်မားရေးနှင့် တိုင်းရင်းသား ကျောက်မျက်ရတနာထုတ်လုပ်သူများ ထွန်းကား တိုးပွားလာစေရန်။ |
| (၃) | နိုင်ငံတော်အတွက် နိုင်ငံခြားသုံးငွေနှင့် ပြည်တွင်းသုံးငွေများ တိုးတက်ရှာဖွေရန်။ |
မြန်မာ့ကျောက်မျက်ရတနာရောင်းဝယ်ရေးလုပ်ငန်း၏ လုပ်ငန်းတာဝန်များ
| (၁) | မြန်မာ့ကျောက်မျက်ရတနာရောင်းဝယ်ရေးလုပ်ငန်းအနေဖြင့် ဝန်ကြီးဌာနမှ ချမှတ်ထားသော မူဝါဒများ နှင့်အညီ ကျောက်မျက်ရတနာပြပွဲများကို အခါအားလျော်စွာ ကျင်းပပြုလုပ်ပြီး နိုင်ငံတော်နှင့်အကျိုးတူ တူးဖော်ရရှိသော ကျောက်မျက်နှင့် ကျောက်စိမ်းများ၊ ပုဂ္ဂလိကပိုင်ကျောက်မျက်နှင့်ကျောက်စိမ်းများကို ခင်းကျင်းပြသ၍ နိုင်ငံခြားငွေဖြင့် ရောင်းချမှုအပေါ် ရတနာခွန်များရရှိရေး ကြီးကြပ်ဆောင်ရွက်ခြင်း၊ |
| (၂) | ကျောက်မျက်ရတနာပြတိုက်များကို နေပြည်တော်၊ ရန်ကုန်နှင့် ဖားကန့် ( တန် - ၃၀၀၀ ) တို့တွင် ဖွင့်လှစ်ပြီး နိုင်ငံတော်အဆင့် ဧည့်သည်တော်ကြီးများ၊ အများပြည်သူနှင့် နိုင်ငံခြားသားများကို ပြသခြင်း၊ စီမံထိန်းသိမ်ကွပ်ကဲခြင်း။ |
| (၃) | နေပြည်တော် ( ပြတိုက် ) နှင့် ရန်ကုန် ( ပြတိုက် ) အဆောက်အဦတို့တွင် ရတနာစျေးများဖွင့်လှစ်၍ ရတနာဆိုင်များငှားရမ်းခြင်းနှင့် ပုဂ္ဂလိက ရတနာဆိုင်များကို ကြီးကြပ်ခြင်း။ |
| (၄) | အထူးရွှေဆိုင်ကြီးများဖွင့်လှစ်၍ နိုင်ငံတော်ဗဟိုဘဏ်က ထုတ်လုပ်သော ရွှေဒင်္ဂါးများ၊ ရွှေစင်ချောင်းများ ရောင်းချခြင်း။ |
| (၅) | မြန်မာ့ကျောက်မျက်ရတနာဥပဒေနှင့်အညီ နိုင်ငံသားကျောက်မျက်ရတနာကုမ္ပဏီများကို ရတနာမြေများ အလိုက် ကျောက်မျက်နှင့်ကျောက်စိမ်းတူးဖော်ခွင့်ပြုမိန့်များ စိစစ်ချထားပေးခြင်းနှင့် အဆိုပြုငွေများ နိုင်ငံတော်သို့ ပေးသွင်းခြင်း။ |
| (၆) | သက်တမ်းကုန် သတ်မှတ်လုပ်ကွက်၊ ဖော်ထုတ်လုပ်ကွက်များ၊ သတ်မှတ်လုပ်ကွက် ( အသစ် ) များ၊ ဖော်ထုတ်လုပ်ကွက် ( အသစ် ) များနှင့် အကျိုးတူလုပ်ကွက် ( အသစ် ) ကွင်းဆင်းစစ်ဆေးချက်များကို မြန်မာ့ကျောက်မျက်ရတနာလုပ်ငန်းများ ဖွံ့ဖြိုးတိုးတက်ရေးဦးစီးကော်မတီသို့ တင်ပြ၍ လုပ်ကိုင်ခွင့်များ စိစစ်ချထားပေးခြင်း။ |
| (၇) | ထုတ်လုပ်မှုအပေါ် ခွဲဝေခံစားသည့်စနစ်ဖြင့် နိုင်ငံတော်နှင့် နိုင်ငံသားကျောက်မျက်ကုမ္ပဏီများ အကျိုးတူ ကျောက်မျက်ရတနာများ တူးဖော်ထုတ်လုပ်ရောင်းချခြင်းများကို ဆောင်ရွက်ခြင်း။ |
| (၈) | ရတနာမြေအသီးသီးတွင် ကျောက်မျက်ရတနာတူးဖော်ထုတ်လုပ်မှုလုပ်ငန်းများကြောင့် သဘာ၀ ပတ်ဝန်းကျင်ထိခိုက်ပျက်စီးမှုမရှိစေရေးနှင့် ဒေသခံပြည်သူများ ထိခိုက်နစ်နာမှုမရှိစေရေး အလေးထား ဆောင်ရွက်ခြင်း။ |
| (၉) | မြန်မာ့ကျောက်မျက်ရတနာဥပဒေနှင့်အညီ နိုင်ငံသားပုဂ္ဂလိက ရတနာပစ္စည်းအရောင်းဆိုင်များကို လိုင်စင်များချထားပေးခြင်းနှင့် နိုင်ငံခြားငွေဖြင့် ရောင်းချမှုအပေါ် ရတနာခွန်များကောက်ခံခြင်း။ |
| (၁၀) | နိုင်ငံတော်ဘဏ္ဍာအဖြစ် သိမ်းယူသည့် ကျောက်မျက်ရတနာပစ္စည်းများကို စိစစ်တန်ဖိုးသတ်မှတ်ခြင်းနှင့် သက်ဆိုင်ရာဌာနများမှ အပ်နှံသော ကျောက်မျက်ရတနာပစ္စည်းများကို လွှဲပြောင်းလက်ခံထိန်းသိမ်ခြင်း။ |
| (၁၁) | ပြည်ပနိုင်ငံများတွင် ကျင်းပသည့် ကျောက်မျက်ရတနာပြပွဲနှင့် ကုန်စည်ပြပွဲများသို့ သွားရောက်ပြသ ရောင်းချမည့် ပုဂ္ဂလိကရတနာအရောင်းဆိုင်များ၏ ရတနာပစ္စည်းများကို စိစစ်တန်ဖိုးသတ်မှတ်ခြင်း၊ ရောင်းချမှုအပေါ် ရတနာခွန်များရရှိရေး ကြီးကြပ်ဆောင်ရွက်ခြင်း။ |
ပြည်သူနှင့်ဆက်သွယ်ပေးရသော လုပ်ငန်းတာဝန်များ
| (၁) | ကျောက်မျက်ရတနာပြပွဲမှ ပြည်ပရတနာကုန်သည်များဝယ်ယူပြီး တဖက်နိုင်ငံသို့ တင်ပို့သောကျောက်စိမ်း ရိုင်းများကို မန္တလေးမြို့သို့ ဖြတ်သန်းသယ်ဆောင်ရာတွင် အဆင်ပြေချောမောစေရေးအတွက် အကောက်ခွန် ဦးစီးဌာနနှင့်ညှိနှိုင်း၍ စစ်ဆေးကြပ်မတ်ခြင်း။ |
| (၂) | မန္တလေးတိုင်းဒေသကြီးနှင့်စစ်ကိုင်းဒေသကြီးအတွင်းရှိ ကျောက်မျက်ရတနာလုပ်ငန်းဆောင်ရွက်နေသူ များ၏ ကျောက်မျက်ရတနာဆိုင်လိုင်စင်နှင့် ကျောက်မျက်အချောထည်လိုင်စင်များ လျှောက်ထားလာပါက အဖွဲ့ဖြင့်စစ်ဆေးခြင်းနှင့် ရုံးချုပ်သို့ စစ်ဆေးချက်အစီရင်ခံစာ တင်ပြဆောင်ရွက်ခြင်း။ |
| (၃) | မန္တလေးမြို့၊ ကျောက်မျက်အချောထည်များပူးပေါင်းစစ်ဆေးရေးစခန်း (One Stop Service Center) လုပ်ငန်းများ အချိန်နှင့်တပြေးညီ အဆင်ပြေစွာ ဆောင်ရွက်နိုင်ရန်အတွက် ပူးပေါင်းဆောင်ရွက်ခြင်း၊ ကြပ်မတ်ခြင်း။ |
| (၄) | နှစ်စဉ် မိုးကုတ်မြို့ ရေနီချောင်းရှင်းလင်းခြင်းလုပ်ငန်းကို မြို့နယ်အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့် ကျောက်မျက်လုပ်ငန်းရှင်များအသင်းမှ တာဝန်ရှိသူများ၊ ဒေသခံများ၏အကြံပြုချက် ရယူပြီး ညှိနှိုင်းဆောင်ရွက်ပေးခြင်း။ |
မိုးကုတ်ရတနာမြေသမိုင်းအကျဉ်း
| (၁) | မိုးကုတ်ဒေသကို အစဉ်အလာအားဖြင့် ပတ္တမြားမြေဟုခေါ်ဝေါ်ခဲ့ကြပြီး မြန်မာဘုရင်များလက်ထက်မှ စတင်၍ ကျောက်မျက်တူးဖော်မှုလုပ်ငန်း များဆောင်ရွက်ခဲ့ပါသည်။ |
| (၂) | ( ၁၉၄၈ ) ခုနှစ် ၊ လွတ်လပ်ရေးရပြီးနောက် ဖ.ဆ.ပ.လ အစိုးရမှကျောက်တွင်းလုပ်ငန်းများကို လိုင်စင် စနစ်ဖြင့် ချထားဆောင်ရွက်ခဲ့ပါသည်။ |
| (၃) | ( ၁၉၆၂ ) ခုနှစ် ၊ တော်လှန်ရေးကောင်စီအစိုးရလက်ထက်တွင် လိုင်စင်အခွန်ပေးဆောင်စေလျက် ကျောက်မျက်တူးဖော်ခွင့်ပြုခဲ့ပါသည်။ |
| (၄) | ( ၁၉၆၄ ) ခုနှစ်တွင် ဓါတ်သတ္တုတိုးချဲ့ရှာဖွေရေးကော်ပိုရေးရှင်းဖွင့်လှစ် ဆောင်ရွက်ခဲ့ပြီး ပထမအကြိမ် ကျောက်မျက်ရတနာပြပွဲပြုလုပ်ခဲ့ပါသည်။ |
| (၅) | ( ၁၉၇၆ ) ခုနှစ် ၊ ဧပြီလ ( ၁ ) ရက်နေ့တွင် မြန်မာ့ကျောက်မျက်ရတနာ ကော်ပိုရေးရှင်းအမည်ဖြင့် ကျောက်မျက်တူးဖော်ရေးစခန်းများ ဖွင့်လှစ်ပြီး နိုင်ငံပိုင် ကျောက်မျက်တူးဖော်ရေးလုပ်ငန်းများ ဆောင်ရွက်ခဲ့ပါသည်။ |
| (၆) | ( ၁၉၈၉ ) ခုနှစ် ၊ ဧပြီလ ( ၁ ) ရက်နေ့တွင် မြန်မာ့ကျောက်မျက်ရတနာ ကော်ပိုရေးရှင်းမှ မြန်မာ့ကျောက်မျက်ရတနာရောင်းဝယ်ရေးလုပ်ငန်းသို့ အမည်ပြောင်းလဲ၍ ကျောက်မျက်တူးဖော်မှု လုပ်ငန်းများ ဆောင်ရွက်ခဲ့ပါသည်။ |
| (၇) | (၁၉၉၀)ခုနှစ်တွင် သတ္တုတွင်းဝန်ကြီးဌာန ၊ မြန်မာ့ကျောက်မျက်ရတနာရောင်းဝယ်ရေးလုပ်ငန်းမှ ပုဂ္ဂလိက လုပ်ငန်းရှင်များနှင့် ပူးပေါင်း၍ ဖက်စပ်စနစ်ဖြင့် ကျောက်မျက်တူးဖော်မှုလုပ်ငန်းများ ဆောင်ရွက်ခဲ့ပါသည်။ |
| (၈) | ( ၁၉၉၅ ) ခုနှစ်တွင် မြန်မာ့ကျောက်မျက်ရတနာဥပဒေပြဌာန်းပြီး ( ၅ . ၁၀ . ၁၉၉၅ ) ရက်နေ့တွင် မြန်မာ့ ကျောက်မျက်ရတနာရောင်းဝယ်ရေးလုပ်ငန်း ၊ ကျောက်မျက်တူးဖော်ရေးစခန်းများကို မြန်မာ့စီးပွားရေးဦးပိုင် လီမိတက်သို့ လွှဲပြောင်းပေးခဲ့ပါသည်။ |
| (၉) | ( ၁၈.၁.၂၀၀၁ ) ရက်နေ့တွင် အမိန့်ကြေညာစာအမှတ် ၊ ၈၇ / ၂၀၀၁ ကို ထုတ်ပြန်၍ ရတနာနယ်မြေ သတ်မှတ်ခဲ့ပါသည်။ |
| (၁၀) | (၂၀၀၇) ခုနှစ်တွင် နိုင်ငံတော်နှင့်အကျိုးတူးပူးပေါင်း၍ ကျောက်မျက်တူးဖော်ထုတ်လုပ်သည့်လုပ်ငန်းများ ဆောင်ရွက်ခဲ့ပါသည်။ |
| ရုံးလိပ်စာ |
ကျောက်မျက်တူးဖော်ရေးဌာန၊ မိုးကုတ်မြို့။ |
|
| ဆက်သွယ်ရန်ဖုန်းနံပါတ် |
၀၈၆ ၂၁၁၁၅ |
|
| ဖက်(စ်)ဖုန်း | ||
| အီးမေးလ်လိပ်စာ | This email address is being protected from spambots. You need JavaScript enabled to view it. | |
| website လိပ်စာ | www.mining.gov.mm |
| Eservices | Topics | |
| |
||
| News | ||