ပြည်တွင်းရေကြောင်းပို့ဆောင်ရေး၊ မန္တလေးသင်္ဘောကျင်းဌာန

Category: ပို့ဆောင်ရေးနှင့်ဆက်သွယ်ရေးဝန်ကြီးဌာန

 

ဦးစီးဌာန၏ ရည်ရွယ်ချက်

(၁) ဌာန၏ရည်ရွယ်ချက်ဆောင်ပုဒ်မှာ ရေယာဉ်နှင့် ခရီးသည် အန္တရာယ်ကင်းရှင်းရေး (Safety) ၊ လုပ်ငန်းစွမ်းဆောင်မှု အပြည့်အဝပေးရေး(Service)နှင့် လုပ်ငန်းခွင်အသွင် အပြင် ကောင်းမွန်ရေး(Image)တို့ ဖြစ်ပါသည်။

 

ပြည်သူနှင့်ဆက်သွယ်ဆောင်ရွက်ပေးရသည့် လုပ်ငန်းတာဝန်များ

ဆောင်ပုဒ်

(၁) ပို့ဆောင်ရေးနှင့် ဆက်သွယ်ရေးဝန်ကြီးဌာန၏ လမ်းညွှန်ဆောင်ပုဒ်မှာ '' ပို့ဆောင် ခြင်းဖြင့် စီးပွားမြှင့်အံ့"၊ "များများသယ်၊ မြန်မြန်ပို့၊ ပြည်သူတွေစိတ်ချမ်းသာဖို့" ဟူ၍ ဖြစ်ပါသည်။

 

 အဓိကလုပ်ငန်းတာဝန်များ

အင်ဂျင်နီယာဌာနသည် ပြည်တွင်းရေကြောင်းပို့ဆောင်ရေးရှိ ဌာနကြီး(၇)ခု အနက် အဓိက အထောက်အကူပြု ဌာနကြီးတစ်ခုဖြစ်ပါသည်။ အင်ဂျင်နီယာဌာန၏ အဓိကလုပ်ငန်းဆောင်ရွက်ချက်များမှာ အောက်ပါအတိုင်းဖြစ်ပါသည်။

(၁) အင်ဂျင်နီယာဌာနသည် ဌာနပိုင်ရေယာဉ်များအား ခရီးလမ်းအသီးသီးတွင် ကိုယ် ထည်နှင့် စက်များကြံ့ခိုင်မှုရှိစွာ ပြေးဆွဲအသုံးပြုနိုင်ရန် ရေယာဉ်များအား နှစ်ပတ်လည် ပြင်ဆင်ခြင်း၊ အကြီးစားပြုပြင်ခြင်း၊ အသေးစားပြုပြင်ခြင်းတို့ကို ဆောင်ရွက်ပေးရခြင်း။
(၂) သယ်ယူပို့ဆောင်ရေးဌာန၏ လိုအပ်ချက်အရ စက်ရှိရေယာဉ်မှ စက်မဲ့ကုန်တင်တွဲ၊ စက်မဲ့ကုန်တင်တွဲမှ ဆိပ်ခံတွဲအဖြစ်သို့လည်းကောင်း၊ ကုန်တင်တွဲမှ ခရီးသည်တင် ရေယာဉ်များအဖြစ်လည်းကောင်း ပုံစံပြောင်းတည်းဆောက်ပေးခြင်း၊ စက်မဲ့တွဲများကို စက်ရှိရေယာဉ်အဖြစ် အကြီးစားပြုပြင်တည်ဆောက်ခြင်းတို့ ဆောင်ရွက်ပေးရခြင်း။
(၃) ရေယာဉ်တွင်တပ်ဆင်ထားသည့် စက်မကြီး၊ ဂီယာ ၊ ပဲ့ချိတ်စက် ၊ မီးစက် ၊ လေသွင်းစက်၊ ရေစုပ်စက်စသည်တို့ကို ထုတ်လုပ်သူ၏ စံချိန်စံညွှန်းနှင့် အညီ ပြုပြင်ပေး ရခြင်း။
(၄) ရေယာဉ်များပြုပြင်ရန်လိုအပ်သော ကုန်ကြမ်း/ ကုန်ချောပစ္စည်းများ၊ စက်ကိရိယာနှင့် အရန်ပစ္စည်းများ၊ စက်ဆီ/ချောဆီများ လိုအပ်ချက်ကို လိုအပ်စံချိန်စံညွှန်းနှင့် အညီ ပြုစု၍ ပြည်ပနိုင်ငံများမှ ဝယ်ယူနိုင်ရန် စီစဉ်ဆောင်ရွက်ရခြင်း။
(၅) သင်္ဘောကျင်းများ၏ ထုတ်လုပ်မှုစွမ်းအား မကျဆင်းစေရေးအတွက် လူစွမ်းအား အရင်းအမြစ် စီမံချက်ချ စုဆောင်းခြင်း၊ လေ့ကျင့်ပျိုးထောင်ပေးခြင်း၊ ရေယာဉ်လိုက် စက်ဘက်ဝန်ထမ်းများတွင် ရေယာဉ်တွင် တပ်ဆင်ထားသည့် စက်မကြီး၏ မြင်းကောင် ရေအရ ကျွမ်းကျင်မှုလက်မှတ်ရရှိနိုင်ရေး လေ့ကျင့်ပျိုးထောင်ပေးရခြင်း၊ ၎င်းအပြင် သင်္ဘောကျင်းများ၏ အင်ဂျင်နီယာများအား ကျွမ်းကျင်မှု ခါးဆက်မပြတ်စေရန် ခေတ်မှီ ဖွံ့ဖြိုးတိုးတတ်သည့် နိုင်ငံများသို့ သွားရောက် ပညာတော်သင်ယူနိုင်ရန် သက်ဆိုင်ရာသို့ တင်ပြလျက် လေ့ကျင့်ပျိုးထောင်ပေးရခြင်း။
(၆) ရုပ်ဝတ္တုပိုင်းဆိုင်ရာများဖြစ်သည့် သင်္ဘောကျင်းများ၏ လွန်းလမ်းဝန်ချီစက်များ၊ တွင်စက်များ၊ သံဂဟေစက်၊ သံပြားဖြတ်စက်၊ သံပြားချိုးစက်၊ သံရည်နှင့် ကြေးရည်ကျို ဖိုများ အမြဲအသုံးပြုနိုင်ရန်လိုအပ်သလို အစားထိုးတပ်ဆင်နိုင်ရေးအတွက် စီမံချက်ရေးဆွဲ တင်ပြရခြင်း။
(၇) စက်ရုံ၊ အလုပ်ရုံများ ကြံ့ခိုင်မှုရှိရေး၊ လုပ်ငန်းသုံး ကိရိယာ တန်ဆာပလာများ ပြည့်စုံ ရေး၊ လုပ်ငန်းခွင်အန္တရာယ်ကင်းရှင်းရေးတို့အတွက် နှစ်အလိုက် ခွင့်ပြုဘဏ္ဍာငွေများထဲမှ လိုအပ်ချက်များ ဝယ်ယူဖြည့်တင်းပေးရခြင်း။
(၈) ဌာန၏လိုအပ်ချက်အရ ရေယာဉ်သစ်တည်ဆောက်ရန် လိုအပ်လာပါက အသုံးပြုမည့် ခရီးလမ်းနှင့် ဆီလျော်သည့် ရေယာဉ်ပုံစံကို ခေတ်စနစ်နှင့်လျော်ညီစွာ ပုံစံရေးဆွဲခြင်း၊ တပ်ဆင်ရမည့် စက်ကိရိယာများ စီစစ်ရွေးချယ်ခြင်းတို့ကို ကျွမ်းကျင်မှုအရ ဦးဆောင် ဦးရွက် ပြုလုပ်ပေးရခြင်း။
(၉) ပြေးဆွဲအသုံးပြုနေဆဲ ရေယာဉ်များအား သယ်ယူပို့ဆောင်ရေးဌာန၏ လိုအပ်ချက် အရ အပြည့်အဝအသုံးပြုရန်လို့အပ်သော ကုန်ကြမ်းပစ္စည်းများ၊ စက်ဆီ/ချောဆီများ အရန်သင့် ရှိနေစေရေးနှင့် အချိန်မီပြင်ဆင်ပေးနိုင်ရေး ကြီးကြပ်တာဝန်ယူဆောင်ရွက်ပေး ရခြင်း၊ ရေယာဉ်များ စက်စွမ်းအား အပြည့်အဝရရှိနိုင်ရေးနှင့် လမ်းခရီးတွင် ကြံ့ကြာမှု မရှိစေရေးတို့အတွက် တာဝန်ယူမွမ်းမံပေးရခြင်းတို့ ဖြစ်ပါသည်။

 

 

 
  ရုံးလိပ်စာ ပြည်တွင်းရေကြောင်းပို့ဆောင်ရေး၊ မန္တလေးသင်္ဘောကျင်းဌာနခွဲ၊ အကွက်အမှတ်(၃၆၅)၊ ကမ်းနားလမ်းနှင့် ၄၁-လမ်းအနောက်ထိပ်၊ ပန်းဆက်တံခါးအနီး၊ စိန်ပန်းရပ်၊ မဟာအောင်မြေမြို့နယ်၊ မန္တလေးတိုင်း ဒေသကြီး။
  ဆက်သွယ်ရန်ဖုန်းနံပါတ် ၀၂ ၃၆၀၃၇၊ ၀၂ ၃၆၀၃၈၊ ၀၉ ၂၀၀၅၇၆၄
  ဖက်စ်ဖုန်း
   အီးမေးလ်လိပ်စာ This email address is being protected from spambots. You need JavaScript enabled to view it.
   Facebook Page https://www.facebook.com/mandalay.dockyard.3
   Website  

  

Eservices   Topics
     
News