မွေးမြူရေးနှင့် ကုသရေးဦးစီးဌာန
Category: စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန
နောက်ခံသမိုင်း
မြန်မာနိုင်ငံ၏ သားငါးကဏ္ဍဆိုင်ရာလုပ်ငန်းများကို ၁၉၈၂-၁၉၈၃ ဘဏ္ဍာရေးနှစ်အထိ လယ်ယာနှင့် သစ်တောဝန်ကြီးဌာနက တာဝန်ယူဆောင်ရွက်ခဲ့ရာမှ လယ်ယာနှင့်သစ်တောဝန် ကြီးဌာနနှင့် မွေးမြူရေးနှင့်ရေလုပ်ငန်းဝန်ကြီးဌာနဟူ၍ ဝန်ကြီးဌာန(၂)ခုအဖြစ် ပြင်ဆင် ဖွဲ့စည်းရန် (၁၀-၂-၁၉၈၃) ရက်နေ့တွင် နိုင်ငံတော်ကောင်စီ၏(၃/၆)ကြိမ်မြောက် အစည်းအဝေး က ဆုံးဖြတ်ခဲ့သဖြင့် ၁၉၈၃၂ ခုနှစ်၊ မတ်လ (၁၅) ရက်နေ့တွင် မွေးမြူရေးနှင့်ရေလုပ်ငန်း ဝန်ကြီးဌာနကို ပြောင်းလဲဖွဲ့စည်းခဲ့ပါသည်။
မွေးမြူရေးနှင့်ကုသရေးဦးစီးဌာနကို (၁၅-၃-၁၉၈၃) ရက်နေ့တွင် ဖွဲ့စည်းပုံပြင်ဆင်ခဲ့ ပါသည်။ ပျားလုပ်ငန်းဌာနခွဲကို (၄-၁၂-၂၀၀၃) ရက်နေ့တွင် ပျားလုပ်ငန်းဦးစီးဌာနအဖြစ် ဖွဲ့စည်းခဲ့ပြီး(၂၈-၆-၂၀၀၇) ရက်နေ့တွင် မွေးမြူရေးနှင့်ကုသရေးဦးစီးဌာနအောက်သို့ သိမ်းသွင်း ဖွဲ့စည်းခဲ့ပါသည်။ မန္တလေးတိုင်းဒေသကြီး၊ မွေးမြူရေးနှင့်ကုသရေးဦးစီးဌာနမှူးရုံးကို ၁၉၄၈ ခုနှစ်မှ စတင်ဖွင့်လှစ်ခဲ့ပါသည်။
မွေးမြူရေးနှင့်ကုသရေးဦးစီးဌာန၏ မျှော်မှန်းချက်
| (၁) | နိုင်ငံတော်၏ အသားကဏ္ဍဖွံ့ဖြိုးတိုးတက်ရေးအတွက် နည်းပညာနှင့် ဝန်ဆောင်မှုအရ မွေးမြူထုတ်လုပ်မှု တိုးတက်မြင့်မားရေး ဆောင်ရွက်ခြင်း၊ |
| (၂) | တိရစ္ဆာန်ကျန်းမာရေးနှင့်ဖွံ့ဖြိုးရေးဥပဒေပါ ပြဋ္ဌာန်းချက်များနှင့်အညီ တိရစ္ဆာန် ကျန်းမာရေး၊ ရောဂါကာကွယ်ထိန်းချုပ်ရေးနှင့် မွေးမြူထုတ်လုပ်မှုဆိုင်ရာ လုပ်ငန်းများ အား စီမံခန့်ခွဲဆောင်ရွက်ခြင်း၊ |
မွေးမြူရေးနှင့်ကုသရေးဦးစီးဌာန၏ ရည်မှန်းချက်
| (၁) | အသားကဏ္ဍဘက်စုံဖွံ့ဖြိုးတိုးတက်ရေး၊ |
| (၂) | အသားကဏ္ဍထုတ်လုပ်မှုကို ပြည်တွင်းစားသုံးမှုဖူလုံစေရန်နှင့်ပိုလျှံထုတ်လုပ်မှုများကို ပြည်ပ နိုင်ငံများသို့ ဖြန့်ဖြူးရေး၊ |
| (၃) | သုတေသနနှင့်ဖွံ့ဖြိုးရေးလုပ်ငန်းများ တိုးချဲ့ဆောင်ရွက်မှုကို အားပေးရေး၊ |
| (၄) | အသားကဏ္ဍဆိုင်ရာ လူမှုစီးပွားရေးအရ ဖွံ့ဖြိုးတိုးတက်ရေး၊ |
မွေးမြူရေးနှင့်ကုသရေးဦးစီးဌာန၏ မူဝါဒ
| (၁) | ကျေးလက်ဒေသဘက်စုံဖွံ့ဖြိုးတိုးတက်ရေး အစီအမံ လုပ်ငန်းတွင် စိုက်ပျိုးရေးယှဉ်တွဲ လျက် တိုင်းရင်းကြက်၊ ဘဲ၊ ဝက်၊ ကျွဲနွား၊ သိုးဆိတ် မွေးမြူထုတ်လုပ်ရေး ဖွံ့ဖြိုး တိုးတက်ရေး၊ |
| (၂) | လယ်ယာစိုက်ပျိုးရေးနှင့် ကျေးလက်ဒေသသယ်ယူပို့ဆောင်ရေးတွင် အဓိကအထောက် အကူပြုသော ခိုင်းကျွဲနွားများ မလျော့ပါးရေး၊ ပြည့်စုံလုံလောက်ရေး နှင့် ကျွဲနွား မွေးမြူ ဖွံ့ဖြိုးတိုးတက် ရေးတွင် အဓိကကျသော ကျွဲနွားစားကျက်မြေများ မလျော့ပါးရေးနှင့် တိုးတက်ဖော်ထုတ်ရေး၊ |
| (၃) | တိရစ္ဆာန် သယံဇာတ အရင်းအမြစ်များမပြုန်းတီးရေး မျိုးဗီဇအသစ်များရှာဖွေဖော် ထုတ်ထိန်းသိမ်း၍ အကျိုးရှိစွာ အသုံးပြုရေး၊ |
| (၄) | စီးပွားဖြစ် မွေးမြူထုတ်လုပ်မှုလုပ်ငန်းများ ဖွံ့ဖြိုးတိုးတက်ရေး၊ |
| (၅) | တိရစ္ဆာန်ကျန်းမာရေး၊ ရောဂါထိန်းချုပ်ရေးလုပ်ငန်းအား တိုးချဲ့သွင်းအားစုများ အရ အကောင်အထည်ဖော်ရေး၊ |
| (၆) | အပြည်ပြည်ဆိုင်ရာအဆင့်နှင့်ညီညွတ်သောအဆောက်အဦများ၊ လုပ်ငန်းအသုံးအဆောင် ပစ္စည်းများကို အချိန်နှင့် တစ်ပြေးညီ တပ်ဆင်အသုံးပြုရေး၊ |
| (၇) | အသားကဏ္ဍဆိုင်ရာ သုတေသနနှင့်ဖွံ့ဖြိုးမှုလုပ်ငန်းများ Research and Development (R&D) အချိန်နှင့် တစ်ပြေးညီ တိုးတက်ဖွံ့ဖြိုးရေး၊ |
| (၈) | တိရစ္ဆာန်ရောဂါထိန်းချုပ်မှုနှင့်အသားကဏ္ဍဖွံ့ဖြိုးရေး လုပ်ငန်းများ အပြည်ပြည်ဆိုင်ရာ အဖွဲ့အစည်းများ၊ ပြည်ပနိုင်ငံများနှင့် တိုးတက်ဆက်သွယ်ဆောင်ရွက်ရေး၊ |
| (၉) | မွေးမြူထုတ်လုပ်မှုဆိုင်ရာ ပြည်တွင်း/ပြည်ပ အရင်းအနှီး တိုးတက်မြှုပ်နှံ ရေးအတွက် ဆက်သွယ်ဖိတ်ခေါ်ညှိနှိုင်းဆောင်ရွက်ရေး၊ |
မွေးမြူရေးနှင့်ကုသရေးဦးစီးဌာန၏ ရည်မှန်းချက် ပန်းတိုင်များ
| (၁) | ပြည်တွင်းအသားစားသုံးမှုဖူလုံစေရန်နှင့် ပိုလျှံသည်များကို ပြည်ပသို့ တင်ပို့ရန်၊ |
| (၂) | လယ်ယာကဏ္ဍ လိုအပ်ချက်နှင့်အညီ ခိုင်းကျွဲနွား ကောင်းများ ထုတ်လုပ်မွေးမြူ ထိန်းသိမ်းရန်၊ |
| (၃) | မွေးမြူထုတ်လုပ်မှုများကို အရည်အသွေးအရ အိမ်နီးချင်းနိုင်ငံများ၏ ထုတ်လုပ်မှု အဆင့် အတန်းနှင့်ညီညွတ်မှုရှိရန်၊ |
| (၄) | အရင်းအနှီးတတ်နိုင်သူများအား စီးပွားဖြစ်မွေးမြူထုတ်လုပ်ရေး အားပေးကူညီရန်နှင့် ရင်းနှီး မြှုပ်နှံမှုအတွက် စည်းရုံးဖိတ်ခေါ်ခြင်းကို တိုးတက်ဆက်သွယ်ဆောင်ရွက်ရန်၊ |
| (၅) | တိရစ္ဆာန်ရောဂါကြိုတင်ကာကွယ်ရေးနှင့် ကူးစက်ရောဂါထိန်းချုပ်ရေးလုပ်ငန်းများကို တိုးချဲ့ဆောင်ရွက်ရန်နှင့်အပြည်အပြည်ဆိုင်ရာအဖွဲ့အစည်းများ၏တိရစ္ဆာန်ကျန်းမာရေး ဆိုင်ရာ သတ်မှတ်ချက်များနှင့်ညီညွတ်မှုရှိရန်၊ |
| (၆) | မွေးမြူကုန်ထုတ်မှုဆိုင်ရာ လူမှုစီးပွားရေးလုပ်ငန်းများ တိုးမြှင့်ဆောင်ရွက်ရန်နှင့် ပြည်ပ ဆက်သွယ်ရေးတိုးမြှင့်ရန်၊ |
မွေးမြူရေးနှင့်ကုသရေးဦးစီးဌာန၏ လုပ်ငန်းစဉ်များ
| (၁) | အစားအစာဘေးကင်းလုံခြုံရေး၊ စံချိန်စံညွှန်းမီ တိရစ္ဆာန်ဆေးဝါးများ၊ အစာများ ထုတ်လုပ်ရေး၊ တိရစ္ဆာန်ကူးစက်ရောဂါများ၊ တိရစ္ဆာန်မှ လူသို့ကူးစက်တတ်သော ရောဂါကြိုတင်ကာကွယ် ထိန်းချုပ်ရေး၊ ရောဂါရှာဖွေစစ်ဆေးရေးတို့အတွက် အဆင့်မြှင့် ဓာတ်ခွဲခန်းများနှင့်ဒေသဆိုင်ရာ ဓာတ်ခွဲခန်းများ တိုးချဲ့ဆောင်ရွက်မည်ဖြစ်ပါသည်။ |
| (၂) | Public Private Partnership စနစ်ကျင့်သုံး၍ တိရစ္ဆာန်နှင့်တိရစ္ဆာန်ထွက်ပစ္စည်းများ ပြည်တွင်း ပြည်ပစျေးကွက်တွင် ဖွံ့ဖြိုးတိုးတက်ရေး၊ ရင်းနှီးမြုပ်နှံမှု၊ နည်းပညာနှင့် လူ့စွမ်းအား အရင်းအမြစ် ဖွံ့ဖြိုးတိုးတက်ရေး၊ တန်ဖိုးမြှင့် တိရစ္ဆာန်ထုတ်ကုန်ပစ္စည်း များထုတ်လုပ်နိုင်ရေး ဆောင်ရွက်မည်ဖြစ်ပါသည်။ |
| (၃) | အသားကဏ္ဍဖွံ့ဖြိုးတိုးတက်ရေးအတွက် ခေတ်မီနည်းပညာများဖြင့် ဒေသနွားများအား မျိုးမြှင့်တင်၍ မျိုးကောင်းမျိုးသန့်တိရစ္ဆာန်များတိုးတက်ရရှိနိုင်ရေး၊ တိရစ္ဆာန်နှင့် တိရစ္ဆာန်ထွက်ပစ္စည်း တိုးမြှင့်ထုတ်လုပ်နိုင်ရေးအတွက် တိရစ္ဆာန်အာဟာရဆိုင်ရာ ဖွံ့ဖြိုးရေးလုပ်ငန်းများနှင့် မွေးမြူရေးဖွံ့ဖြိုးတိုးတက်မှုလုပ်ငန်းများ ဆောင်ရွက်မည် ဖြစ်ပါသည်။ |
| (၄) | တိရစ္ဆာန်ကောင်ရေ အရင်းအမြစ်များ မပြုန်းတီးစေရေးနှင့် တစ်ပိုင်တစ်နိုင် မွေးမြူ ထုတ်လုပ်မှုဖွံ့ဖြိုးမှု အထောက်အကူပြုစေရေးအတွက် ဒေသရေမြေရာသီဥတု တို့နှင့် ကိုက်ညီသည့် မျိုးဗီဇရှိသော တိရစ္ဆာန်များ ဖော်ထုတ်ထိန်းသိမ်းမွေးမြူပါမည်။ |
| (၅) | သားငါးကဏ္ဍနှင့် ကျေးလက်ဒေသဖွံ့ဖြိုးရေး လုပ်ငန်းများ ဆောင်ရွက်ရာတွင် ရာသီဥတု ပြောင်းလဲမှု၏ သက်ရောက်မှုအပေါ် လိုက်လျောညီထွေဖြစ်စေမည့် ကြိုတင်အစီအမံများ ဆောင်ရွက်ပါမည်။ |
မွေးမြူရေးနှင့်ကုသရေးဦးစီးဌာန၏ အဓိကလုပ်ငန်းတာဝန်များ
| (၁) | တစ်နိုင်ငံလုံး၏ အသားကဏ္ဍဖွံ့ဖြိုး တိုးတက်ရေးအတွက် တာဝန်ယူဆောင်ရွက်ခြင်း၊ |
| (၂) | တိရစ္ဆာန်မွေးမြူထုတ်လုပ်မှုဆိုင်ရာ ကိန်းဂဏန်းများ ကောက်ယူပြုစုခြင်း၊ |
| (၃) | တိရစ္ဆာန်ရောဂါ ကုသ/ ကာကွယ်ဆေးများ ထုတ်လုပ်ခြင်းနှင့်ရောဂါကာကွယ်ကုသရေး လုပ်ငန်းများ ဆောင်ရွက်ခြင်း၊ |
| (၄) | တိရစ္ဆာန်စားကျက်ဖွံ့ဖြိုးရေးလုပ်ငန်း ဆောင်ရွက်ခြင်း၊ |
| (၅) | တိရစ္ဆာန်မျိုးကောင်းမျိုးသန့် တိုးပွားရေးအတွက် မေထုန်မဲ့သားစပ်လုပ်ငန်း ဆောင်ရွက်ခြင်း၊ |
| (၆) | တိရစ္ဆာန်မွေးမြူရေးလုပ်ငန်းဖွံ့ဖြိုးတိုးတက်ရေးအတွက် လေ့ကျင့်ပညာပေးခြင်း၊ သုတေသန လုပ်ငန်းများနှင့် ဓာတ်ခွဲခန်းလုပ်ငန်းများ ဆောင်ရွက်ခြင်း၊ |
| (၇) | ပုဂ္ဂလိကမွေးမြူရေးကဏ္ဍ တိုးတက်ဖွံ့ဖြိုးရေးအတွက် စံပြကျေးရွာ ဖွင့်လှစ်ဆောင်ရွက် ခြင်း၊ ကျေးလက်ဒေသ မွေးမြူမှုဖွံ့ဖြိုးရန် ဆောင်ရွက်ခြင်း၊ |
| (၈) | နယ်စပ်တိရစ္ဆာန်ဖြတ်သန်းသွားလာမှု စစ်ဆေးရေးစခန်း (Check Points) လုပ်ငန်းဆောင်ရွက်ခြင်း၊ |
| (၉) | တိရစ္ဆာန်နှင့်တိရစ္ဆာန်ထွက်ပစ္စည်း ပို့ကုန်သွင်းကုန်လုပ်ငန်းနှင့် တိရစ္ဆာန်ကျန်းမာရေး စောင့်ကြည့် စစ်ဆေးရေးစခန်း ( Animal Quarantine Station) လုပ်ငန်းဆောင်ရွက်ခြင်း၊ |
| (၁၀) | ပြည်နယ်/တိုင်းဒေသကြီးအသီးသီး၌ မွေးမြူရေးလုပ်ငန်းဖွံ့ဖြိုးတိုးတက်ရေးဘဏ်စနစ် အရ မွေးမြူရေးလုပ်ငန်းများတိုးချဲ့ဆောင်ရွက်ခြင်း၊ |
| (၁၁) | တိရစ္ဆာန်မျိုးကောင်းမျိုးသန့် တိုးပွားရေးအတွက် မေထုန်မဲ့သားစပ်လုပ်ငန်း ဆောင်ရွက်ခြင်း၊ |
| (၁၂) | စံပြမွေးမြူရေးခြံများ၊ ထူထောင်၍ သိပ္ပံနည်းကျမွေးမြူထုတ်လုပ်မှုလုပ်ငန်းဆောင်ရွက်ခြင်း၊ |
| ရုံးလိပ်စာ |
၇၈လမ်း၊ ပြည်ကြီးတံခွန်မြို့နယ် |
|
| ဆက်သွယ်ရန်ဖုန်းနံပါတ် | ၀၂ ၄၀၈၀၇၉၄ | |
| ဖက်စ်ဖုန်း | ၀၂ ၄၀၈၀၇၉၄ |
| Eservices | Topics | |
| |
||
| News | ||