အလုပ်ရုံနှင့် အလုပ်သမား ဥပဒေစစ်ဆေးရေးဦးစီးဌာန

 

Category: အလုပ်သမား၊ လူ၀င်မှုကြီး ကြပ်ရေးနှင့် ပြည်သူ့အင်အား၀န်ကြီးဌာန

ဦးစီးဌာန၏ရည်ရွယ်ချက်

(၁)	အစိုးရ၊အလုပ်ရှင်၊အလုပ်သမားသုံးပွင့်ဆိုင်ဆက်ဆံရေးကောင်းမွန်ခြင်းဖြင့်တည်ငြိမ်အေးဆေးသည့် လုပ်ငန်းခွင်များ ဖြစ်ပေါ်စေရန်။
(၂)	အလုပ်သမားများ ဥပဒေပါရပိုင်ခွင့်များကို မှန်မှန်နှင့်အပြည့်အဝ ရရှိခံစားစေရန်။
(၃)	လုပ်ငန်းခွင်မတော်တဆထိခိုက်မှုနှင့်လုပ်ငန်းခွင်ရောဂါရရှိခံစားရမှုလျော့နည်းကျဆင်းစေရန်။
(၄)	အပြည်ပြည်ဆိုင်ရာနှင့်ဒေသဆိုင်ရာအလုပ်သမားရေးရာကိစ္စရပ်များပူးပေါင်းဆောင်ရွက်ရန်။

 ဦးစီးဌာန၏လုပ်ငန်းတာဝန်များ

(၁)	အလုပ်ချိန်၊ နားချိန်၊ အချိန်ပိုနာရီ၊ ခွင့်ရက်၊ အလုပ်ပိတ်ရက်၊ အပတ်စဉ်နားရက်၊ လုပ်ခလစာ၊ အချိန်ပိုလုပ်ခအစရှိသည့် ဥပဒေပါအကျိုးခံစားခွင့်များအပြည့်အဝရရှိစေရန်စစ်ဆေးစည်းကြပ် ခြင်း။
(၂)	ဘေးအန္တရာယ်ကင်းရှင်းပြီးကျန်းမာရေးနှင့်ညီညွတ်သည့်လုပ်ငန်းခွင်အခြေအနေများတိုင်းတာအကဲဖြတ်၍ ညွှန်ကြားခြင်း၊ အကြံပေးခြင်း။
(၃)	ညွှန်ကြားချက်များအပေါ် လိုက်နာအကောင်အထည်ဖော် ဆောင်ရွက်မှုအခြေအနေကို ပြန်လည်စစ်ဆေးခြင်း။
(၄)	တာဝန်ယူဆောင်ရွက်လျှက်ရှိသော ဥပဒေများနှင့်အကျုံးဝင်သက်ဆိုင်သည့် တိုင်ကြားချက်များ လက်ခံရရှိပါက စစ်ဆေးအရေးယူဆောင်ရွက်ခြင်း။
(၅)	လုပ်ငန်းခွင်မတော်တဆထိခိုက်မှုနှင့် လုပ်ငန်းခွင် ရောဂါရရှိမှုတို့ကို စုံစမ်းစစ်ဆေး၍ နောင်အလားတူ ထပ်မံမဖြစ်ပွားစေရေး လိုက်နာဆောင်ရွက်ရန် ညွှန်ကြားခြင်း။
(၆)	စက်ရုံ ၊အလုပ်ရုံများမှ အချိန်ပို လုပ်ကိုင်ခွင့် တောင်းခံခြင်းများကို တည်ဆဲဥပဒေ၊ အမိန့်၊ ညွှန်ကြားချက်များနှင့်အညီ စိစစ်ခွင့်ပြုခြင်း။
(၇)	ခွင့်ပြုအချိန်ပိုအမိန့်နှင့်အညီ လုပ်ကိုင်ခြင်း ရှိ၊မရှိ အခါအားလျှော်စွာနှင့်ရှောင်တခင် ကွင်းဆင်းစစ်ဆေးခြင်း။
(၈)	အလုပ်သမားရေးရာ ဥပဒေများ၊ လုပ်ငန်းခွင် ဘေးအန္တရာယ်ကင်းရှင်းရေး၊ ကျန်းမာရေးနှင့် သက်သာချောင်ချိရေး အတွက် အသိပညာပေးဆွေးနွေးခြင်း၊ လေ့ကျင့်သင်ကြားပေးခြင်း၊ ပုဂ္ဂလိက အဖွဲ့အစည်းများ၊ နိုင်ငံတကာ အဖွဲ့အစည်းများဖြင့် ပူးပေါင်းဆောင်ရွက်ခြင်း။
(၉)	အာဆီယံလုပ်ငန်းခွင်ဘေးအန္တရာယ်ကင်းရှင်းရေးနှင့်ကျန်းမာရေးကွန်ယက်အဖွဲ့ဝင်နိုင်ငံအဖြစ် ပူးပေါင်းဆောင်ရွက်ခြင်း။
(၁၀)	လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးကော်မတီဖွဲ့စည်း၍ လိုအပ်သည့် နည်းပညာအကူအညီပေးခြင်း။
(၁၁)	ကလေးအလုပ်သမားစာရင်း ကောက်ယူခြင်းနှင့် ကလေးအလုပ်သမားများအား စောင့်ကြည့် လေ့လာခြင်း။
(၁၂)	အန္တရာယ်ရှိသော လုပ်ငန်းနှင့် လုပ်ငန်းခွင်များတွင် အသက်(၁၈)နှစ်မပြည့်သေးသော ကလေးအလုပ်သမား ခိုင်းစေမှုများ မရှိစေရန်/သင့်လျော်သော နည်းလမ်းဖြင့်ဆောင်ရွက်ရန် အကြံပြု ညွှန်ကြားခြင်း။
(၁၃)	မေးမြန်းလာသည့် ဥပဒေရေးရာ ကိစ္စရပ်များနှင့် လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးဆိုင်ရာ ကိစ္စရပ်များကို ရှင်းလင်းဖြေကြားခြင်း။
(၁၄)	တာဝန်ယူဆောင်ရွက်ရသည့် ဥပဒေပါပြဌာန်းချက်များကို ချိုးဖောက်ပါက တရားစွဲဆိုခြင်းနှင့် လိုအပ်ပါက ကော်လိတ္တော်အရာရှိ၊ အခွန်အရာရှိအဖြစ် ဆောင်ရွက်ခြင်း။
(၁၅)	ဥပဒေသစ်ရေးဆွဲပြဌာန်းပြီး ဥပဒေများပြင်ဆင်ခြင်း၊ ဖြည့်စွက်ခြင်း၊နည်းဥပဒေများရေးဆွဲရာတွင် အကြံပြုဆွေးနွေးခြင်း။

ဦးစီးဌာနမှ စစ်ဆေးစည်းကြပ်လျှက်ရှိသည့် ဥပဒေများ

(၁)	၁၉၅၁ခုနှစ် အလုပ်ရုံများအက်ဥပဒေ။
(၂)	၁၉၅၁ခုနှစ် ရေနံမြေ(အလုပ်သမားနှင့်သက်သာချောင်ချိရေး) အက်ဥပဒေ။
(၃)	၁၉၅၁ခုနှစ် ခွင့်ရက်နှင့်အလုပ်ပိတ်ရက်များအက်ဥပဒေ။
(၄)	၂၀၁၆ခုနှစ် ဆိုင်များနှင့်အလုပ်ဌာနများဥပဒေ။
(၅)	၂၀၁၆ခုနှစ် အခကြေးငွေပေးချေရေးဥပဒေ။

  ဆောင်ပုဒ်

အလုပ်သမားရေးရာဆက်ဆံရေးဦးစီးဌာန၏ ဆောင်ပုဒ်မှာ “လူမှု တရားမျှတရေး၊ ညှိနှိုင်းဖျန် ဖြေ ဆုံးဖြတ်ပေး”ဖြစ်ပါသည်။

 အ ဓိကလုပ်ငန်းတာဝန်များ

အလုပ်သမားရေးရာဆက်ဆံရေးဦးစီးဌာန (တိုင်းဒေသကြီးရုံး)၊ မန္တလေးတို င်းဒေသကြီး၊ မန္တလေးမြို့၏ အဓိကလုပ်ငန်းတာဝန်များမှာ မန္တလေးတိုင်းဒေသကြီးအတွင်းရှိ (၂၈)မြို့နယ်မှ အလုပ်ရှင်၊ အလုပ်သမားအငြင်းပွားမှု များကို မြိုနယ်ညှိနှိုင်းဖျန်ဖြေရေးအဖွဲ့များမှ ညှိနှိုင်းဖြေရှင်း ရာတွင် ပြေငြိမ်းမှုမရရှိသည့် အငြင်းပွားမှုများအား မန္တလေးတိုင်းဒေသကြီး၊ ခုံသမာဓိအဖွဲ့မှ ကြားနားစစ်ဆေးဆုံးဖြတ်ရာတွင် ခုံသမာဓိအဖွဲ့၏ အထောက်အကူပြုရုံးလုပ်ငန်းများ ဆောင်ရွက် နိုင်ရန် ဖြစ်ပါသည်။

 

	ရုံးလိပ်စာ	အမှတ်(၉၀၃)၊၇၈-လမ်း၊ သီတာအေးရပ်ကွက်၊ ချမ်းမြသာစည်မြို့နယ်၊ မန္တလေးမြို့။
	ဆက်သွယ်ရန်ဖုန်းနံပါတ်< /span>	၀၂ ၆၃၁၁၇
	ဖက်(စ်)ဖုန်း
	အီးမေးလ်လိပ်စာ	mdyFgllid@gmail. com
	website လိပ်စာ

  

Eservices		Topics
News